Fat straordenari, che al va di là dai limits dal ordin naturâl des robis, che inte teologjie catoliche al pues sucedi par gracie di Diu
esempi
"la puare femine istupidide par chel miracul de fuiace e impiâ il lumin, e, tant di ubidî, e le te dispense"
da "La fuiace de Madone" di Catarine Percude
"une grande lûs e comparì intal cîl e si sbassà a cualchi metri parsore di lui e dal so cjaval. La bestie, spaventantsi pal meracul, e butà jù intal polvar il so paron"
da "Conversions" di Checo Tam
Vedi anche: meracul
miraculs.m. (mi-ra-cul)
Fat di no crodi, robe une vore biele o une vore positive (iperb.)
esempi
"al jere stât une sorte di miracul che si fos rivâts a produsi il Grant Dizionari Bilengâl in dîs agns in chês cundizions di contrarietâts"
da "Memoriis di politiche linguistiche" di Adrian Cescje
"o voi li dal barcon. Lu vierç. Meracul! Une gnot bielissime e plene di stelis"
da "Cirî gnot" di Checo Tam
"tal lâ jù, lis à fatis dutis di sbrisson e al è stât un meracul che nol si sedi fracassadis lis gjambis"
da "La comedie dal mus" di Pieri Somede dai Marcs
miraculs.m. (mi-ra-cul)
Opare artistiche, scuvierte tecniche, opare dal inzen che e da risultâts straordenaris (fig.)