SuperDizionari

misar adi., s.m.
(mi-sar)

Che, cui che al è une vore puar

sinonims

puar, disgraciât

esemplis

"Se chei di Vençon a jerin puars, chei di Piluver a jerin misars e a vevin conis di paiâ par dutis lis buteghis e ostariis"

gjavât fûr di "Pre Pitin" di Antoni Beline

misar adi.
(mi-sar)

Une vore scjars di valôr, cuantitât, impuartance e v.i.

sinonims

di pôc, minim, puar

esemplis

"il mestri de nestre scuele, no si sa ben ce etât che al ves vude e nol voleve molâ par no murî di fam cun chê misare pensionute che i sarès tocjade"

gjavât fûr di "Il gno prin mestri" di Pieri Somede dai Marcs

"il secont frut, che al veve un cjâf che si cueieve intun bol e che al mertave di lâ a scuele, al veve supât in pôcs agns i misars sparagns da la famee"

gjavât fûr di "Aiar di cjase" di Franca Mainardis

misar adi., s.m.
(mi-sar)

Che, cui che al è intune cundizion une vore negative, no dome a nivel economic e materiâl, ma psicologjic, esistenziâl e v.i.

sinonims

disdetât, disgraciât, puar, disfortunât, sfortunât

esemplis

"ducj chei marums lu fasevin sintî plui misar, plui vuarfin di ducj"

gjavât fûr di "Il muc" di Roberto Ongaro

misar adi.
(mi-sar)

Che al è une vore negatîf, intun cualsisei sens

esemplis

"si contentave de idee ridutive e misare dal furlan che e nudrive la Filologjiche"

gjavât fûr di "Memoriis di politiche linguistiche" di Adrian Cescje

monolengâl