SuperDizionari

monolengâl

misteri s.m.
(mis-te-ri)

Fat che no si rive a capîlu cu la reson o che al à une reson ancjemò no cognossude

sinonims

domande, enigme, rebus, segret

esemplis

"lassât in bande la cuistion intrigose sul misteri de comparse de vite, dut ce che al ven dopo e je evoluzion seont i mecanisims metûts in lûs di Darwin"

gjavât fûr di "Recension di La scienza non ha bisogno di Dio" di Lorenzo Marcolini

"o vin di scuvierzi il misteri di chest delit"

gjavât fûr di "Sense" di Checo Tam

"al pâr che ducj le vedin fisse cun me! E je une robe che no sai spiegâ: un rût misteri!"

gjavât fûr di "Sul florî" di AAVV

misteri s.m.
(mis-te-ri)

Atmosfere o sensazion indeterminade di magjie, di segret

esemplis

"o nulivi in dute la cuistion un savôr di misteri"

gjavât fûr di "Il dolfin" di Carlo Sgorlon

"incens brusât che al spandeve ancjemò chel so profum cussì vîf e gradevul, che al jentrave fin ta la anime, jemplantle di misteri"

gjavât fûr di "Chei di Muraie" di Pieri Menis

misteri s.m.
(mis-te-ri)

[TS] (religj.) Tal pl., inte culture greghe, celebrazion di rituâi segrets cristiane, veretât che e passe lis capacitâts di cognossince e di comprension dal om

esemplis

"i misteris eleusins si celebravin tal santuari di Demetre"

misteri s.m.
(mis-te-ri)

[TS] (religj.) Inte teologjie cristiane, veretât che e passe lis capacitâts di cognossince e di comprension dal om

esemplis

"te glesie a son i comandaments principâi e a son altris che a son mancul principâi. A son i precets fondamentâi de glesie, a son i misteris principâi de fede, a son i sacraments, a son altris robis che la glesie e po cjapâ tun determinât moment"

gjavât fûr di "La Glesie e à di lassâ i popui come che a son e fâur di levan seont la lôr paste" di Francesc Placerean

misteri s.m.
(mis-te-ri)

[TS] (let.) Inte tradizion leterarie de Ete di Mieç, drame sacri in lenghe volgâr, prontât pes grandis fiestis religjosis

detulis

"i misteris di Diu, i segrets dai sovrans e la malizie dai vilans nissun nol è rivât ancjemò a rivelâ"

"il misteri de Santissime Trinitât al è plui grant dal puint maiôr"

"ogni cûr il so misteri, ogni cjase il so costum"

torne sù