SuperDizionari

mitic adi.
(mi-tic)

Dal mît, de mitologjie

esemplis

"devant di une distribuzion cussì largje di isomorfisims mitics e rituâi il Ginzburg si à ponût il probleme di motivâle cun criteri storic"

gjavât fûr di "Difusion, origjin comune, morfologjie" di Sandri Carrozzo

"lis mitichis Amazons barbaris a vevin invadude la Atiche e menaçade Atenis. Teseu, l'eroi ateniês, lis veve combatudis e mandadis indaûr"

gjavât fûr di "Memoriis di politiche linguistiche" di Adrian Cescje

mitic adi.
(mi-tic)

Che al à caratars che no coincidin o che a coincidin dome in part cu la realtât (fig.)

sinonims

idealizât, imagjinât, utopistic

esemplis

"O crôt che clamâ autonomiscj Berzanti, Comelli e Biasutti e sedi une peraule gruesse, ma a dopravin i struments de specialitât pai lôr fins politics che, almancul par ce che al tocje l'economic e il sociâl, a coincidevin cun chei dal mitic popul furlan, “salt, onest e lavoradôr”"

gjavât fûr di "E jere une volte la Regjon Speciâl" di Giorgio Cavallo

mitic adi.
(mi-tic)

Che al è une vore cognossût, considerât, che al è un pont di riferiment coletîf (fig.)

sinonims

epic, fantastic, grant

esemplis

"ti faseve scoltâ robe mitiche in vinîl, come Neil Young e Cream, Hendrix e Muddy Waters, Ramones e Pink Floyd [...]"

gjavât fûr di "Achì si clame “il blues dai cuei”: la musiche dal Missisippi al Friûl" di Dree Gardenâl

mitic adi.
(mi-tic)

Che al à caratars tipics de epopee, de imprese straordenarie (fig.)

esemplis

"la grande, ciclopiche, imprese de Transsiberiane, il colegament mitic fra Europe e Asie"

gjavât fûr di "Felix Marchi e il sium dal furlan-furlan" di Max Mauro

monolengâl