SuperDizionari

model s.m.
(mo-del)

Ogjet reâl che si proponisi di copiâ, rapresentâ, fotografâ e v.i.

model s.m.
(mo-del)

Cui che al pose, ancje di mistîr, par pitôrs, scultôrs e v.i.

esempi

"si tratave simpri de stesse persone che e veve fat di model; in fat, in dutis chês telis, si podeve rigjavâ un jenfrisegn che al jere simpri fis e compagn"

da "Cretevierte" di Roberto Ongaro

model s.m.
(mo-del)

Persone degne di sei imitade (fig.)

sinonimi

esempli

esempi

"o jeri un frutat che al veve simpri bisugne di un model di copiâ e di venerâ e o podevi vênt nome un a la volte"

da "Il dolfin" di Carlo Sgorlon

model s.m.
(mo-del)

Cualsisei robe o sisteme che al à carateristichis specifichis e che al pues jessi cjapât tant che riferiment

esempi

"il progrès tecnologjic (come la invenzion de television) al à fat in mût che il model culturâl american si slargjàs dapardut"

da "Autonomie e democrazie, i numars de Socializazion umane" di Franc Fari, Eric Pascul

"il model organizatîf des sezions socialistis fondadis in dut il Friûl vie pai prins dîs agns dal Nûfcent al jere chel dal «arbeiter sekretariat» todesc"

da "La emigrazion furlane in Austrie e in Gjermanie" di Matteo Ermacora

model s.m.
(mo-del)

Prototip industriâl

esempi

"al veva tirât four un campionari puartât da la Fransa e al veva tirât jù il model pi di lusso"

da "Il Crist sclagn" di Novella Cantarutti

model s.m.
(mo-del)

Complès di carateristichis estetichis e tecnichis

esempi

"a jerin dôs poltronis, simpri dal model dal sofà: cul vilût vert cuadretât di neri"

da "Il muc" di Roberto Ongaro

model s.m.
(mo-del)

[TS] (sart.) Sfuei di cjarte che al mostre lis liniis di un vistît

model s.m.
(mo-del)

[TS] (metal.) Forme par solit di len che e covente par fâ il stamp che al à di ricevi il metal fondût

model s.m.
(mo-del)

[TS] (art) Forme di materiâl plastic che e covente tant che idee par rivâ a vê il lavôr finît

model s.m.
(mo-del)

Copie in scjale di un ogjet

esempi

"il model de gnove Ferrari in scjale 1/48"

model s.m.
(mo-del)

[CO] (burocr.) Formulari za pront che al à di sei jemplât cun informazions domandadis di une aministrazion

sinonimi

modul

esempi

"al fasè ricors, al implenà une rie di modei e di cjartis di bol"

da "Ombris tal infinît" di Carlo Sgorlon

model s.m.
(mo-del)

[TS] (filos.) Esemplâr origjinari e ideâl des cjossis individuâls de realtât percetive

sinonimi

archetip, ideâl, idee

model s.m.
(mo-del)

[TS] (logj.) Inte epistemologjie moderne, scheme teoric che in base a chel a son verificadis dutis lis formulis e relazions di une teorie

model s.m.
(mo-del)

[TS] (econ.) Scheme teoric che al descrîf un o plui fenomens cul marcâ lis carateristichis struturâls di rilevance plui fuarte

esempi

"intal 1913 N. Bohr al met adun il model di atom cun orbitis cuantizadis"

da "Lis celis organichis nanostruturadis" di Lorenzo Marcolini

model s.m.
(mo-del)

In funz. adi.inv., di cdn. che si pues cjapâ di bon esempli

esempi

"un citadin model"

"une impleade model"

monolingue