Hai cercato la parola
monolingue
Torna indietro

monolingue

molâ fûr loc.v.
Fâ vignî fûr
esempi
"al molà fûr la cjavre, e dopo al parà la vacje a passon suntun prât ad ôr dal bosc"
da "Sant Pieri e la code de vacje" di Luigi Gortani
molâ fûr loc.v.
Permeti di lâ fûr di un puest sierât o li che e je gjavade o limitade la libertât
sinonimi
dâ fûr
esempi
""Une gnove amnistie? … ce maniis che àn…" "Puare int, cuissà cetant pintûts e salacor in preson ancje cence rason." "Molâ fûr tancj delincuents!…""
da "Resurezion a Pontinie" di Pieri Somede dai Marcs
molâ fûr loc.v.
Tirâ fûr une part dal cuarp o fâ lâ fûr dal cuarp materie
sinonimi
tirâ fûr
esempi
"e spalanche la bocje e e mole fûr une cuarte di lenghe"
da "Il tor di Mueç" di Luigi Gortani
"lui, par starnudâ, al mole fûr une diaree che al sporcjà la principesse fin tal cuel"
da "Chê de principine" di Andreina Nicoloso Ciceri
molâ fûr loc.v.
Produsi un sun o dî alc
sinonimi
dâ fûr
esempi
"e molave fûr un zigo di vitime… come di besteute che le copin"
da "La cjase dal Murat" di Maria Forte
"[lis animis danadis] a vaìvin a lagrimis di sanc, molant fûr maledizions e blestemis di fâ sgrisulâ"
da "La invidiose" di Luigi Gortani
"mio pari, par fâlu mateâ, al molave fûr cualchi barzalete o sui predis o sui fraris"
da "Fra Silvio" di Pieri Somede dai Marcs
molâ fûr loc.v.
Dâ alc cun fuarce
sinonimi
molâ, dâ
esempi
"Zuanat, gaiarin tant che di vincj agns, al molave fûr bocâi di vin su lis taulis e fongadis di cuintâl sù pes schenis"
da "La aghe da pît la cleve" di Dino Virgili
molâ fûr loc.v.
Publicâ
sinonimi
dâ fûr
esempi
"i prefets a mandarin la proibizion a dutis lis stampariis di publicâ ancje une sole rie di furlan e sepi Diu ce vitis che e à fat la Filologjiche a molâ fûr, tra nûi di incens al "guidadôr", chel fregul di "Strolic""
da "La nestre lenghe" di Josef Marchet
Torna in Cima