Tu âs cirût la peraule
monolengâl
torne indaûr

monolengâl

montagne s.f.
(mon-ta-gne)
Rilef de tiere plui alt di 600-700 metris
sinonims
mont
esemplis
"lis montagnis plui bassis al someave di tocjâlis cu la man e nome la mont Cjanine e veve in ponte un sbrendul di nûl blanc e sutîl"
gjavât fûr di "Par stradis lungjis" di Alan Brusini
"montagnutis ribassaitsi / fait un fregul di splendôr / tant che o viodi ancje une volte / là che o levi a fâ l'amôr"
gjavât fûr di "Montagnutis ribassaitsi" di Popolâr
montagne s.f.
(mon-ta-gne)
Zone de tiere cun rilêfis di plui di 600-700 metris
sinonims
mont
esemplis
"la zoventût, di fieste, e va a cjapâ i aiars o a bevi lis aghis in montagne"
gjavât fûr di "Lis predicjis dal muini" di Josef Marchet
"int di montagne, ferme e risolude, usade a tignî dûr cence pôre e cence premure"
gjavât fûr di "E se no nus dassin la autonomie" di Josef Marchet
montagne s.f.
(mon-ta-gne)
Grande cuantitât (fig.)
sinonims
flum, mâr, mont, sac, sdrume, sglavin, grum
esemplis
"chê vitorie che e veve costât montagnis di muarts e pôris e fadiis ai vîfs di nancje discori"
gjavât fûr di "Chei de vuere dal '15" di Alan Brusini
"alì dongje, suntune cjadree, une montagne di regjistris vecjos e gnûfs"
gjavât fûr di "Pre Josef" di Pieri Somede dai Marcs
detulis
"a son tancj i mus in montagne che a àn la code compagne"
"cuant che il cuc al va in montagne, nol torne jù se no si bagne"
"da la plui grant montagne al ûf de ruie, ce che tal mont al è fat, nol è par nuie"
"i umign a cjaminin e lis montagnis a stan fermis"
"montagnis claris, ploie vicine"
"scure la marine: mangje, bêf e sta in cusine; clare la montagne: bêf e va in campagne"
torne sù