SuperDizionari

mostri s.m.
(mos-tri)

Figure dal mît o de liende cun nature ibride o carateristichis ireâls

esemplis

"i lotofacs, lis sirenis, i antropofacs, mostris e divinitâts che a judin o che a fasin cuintri a son tal imagjinari coletîf dai marinârs e di ducj i oms di simpri"

gjavât fûr di "Jentrade de Odissee" di Sandri Carrozzo, Pierluigi Visintin

"jo e Giorgio o vin cjapât i cussins e o vin fat come un fuartin par difindisi se al ves di rivâ il mostri"

gjavât fûr di "Ombris" di Checo Tam

Viôt ancje: mostro, moscjo, ostro

mostri s.m.
(mos-tri)

Persone cun carateristichis anormâls e negativis (fig.)

esemplis

"[Dostoevskij] al voleve mostrâ che lis personis cu la epilessie no jerin mostris"

gjavât fûr di "Epilessie e creativitât leterarie in Fyodor M. Dostoevskij" di Redazion SSTF

mostri s.m.
(mos-tri)

[TS] (med.) Creature embrionâl cun deformazions congjenitis

mostri s.m.
(mos-tri)

Criminâl crudêl, spec. maniac sessuâl (fig.)

sinonims

bestie

mostri s.m.
(mos-tri)

Persone che e à carateristichis positivis o negativis une vore fuartis (fig.)

sinonims

diaul, gjeni, portent

esemplis

"un mostro di fuarce"

gjavât fûr di "Il Nuovo Pirona" di Giulio Andrea Pirona, Ercole Carletti, Giovanni Battista Corgnali

"Bastian al è une cjosse sorprendent, / l'è un mostro di talent"

gjavât fûr di "Bastian" di Pieri Çorut

mostri s.m.
(mos-tri)

Apelatîf negatîf gjeneric, ancje in imprecazions (scherç.)

sinonims

maledet, benedet

esemplis

"une mostre di femenate e veve la pretese che i fitàs la cjase, e parcè che i ai dit di no, mi à dit di dut"

gjavât fûr di "Cjase di fitâ" di Pieri Somede dai Marcs

"Mostre di miseriate, che si à simpri di tasê, simpri di tasê!"

gjavât fûr di "Lassait che mi sbrochi!" di Pieri Somede dai Marcs

mostri adi.
(mos-tri)

Une vore grant (fig.)

sinonims

enormi, fenomenâl, portentôs, prodigjôs, spropositât, straordenari, ecezionâl, trement, teribil, fûr di misure, fûr dal vade, diaul, bestiâl

esemplis

"al veve une pôre mostre di murî"

gjavât fûr di "Ricuarts e inlusions" di Enrico Martina

"scrivi di Silvio mi coste une fature mostre"

gjavât fûr di "Trê feminis" di Gianni Gregoricchio

monolengâl