Tu âs cirût la peraule
monolengâl
torne indaûr

monolengâl

movi v.tr.
(mo-vi)
Cambiâ di puest, posizion, direzion, sedi une volte sole che plui voltis seguitivis
esemplis
"il predicjadôr al fevelave vonde fuart, al moveve i braçs"
gjavât fûr di "Il cuaresimâl" di Angelo Covazzi
"sul cjast lis pantianis a corevin movint i corondui"
gjavât fûr di "Ombris" di Checo Tam
"i volerin sîs strangulins par movi chel clap"
gjavât fûr di "Il solt di Arlunc" di Gianluca Franco
Viôt ancje: muevi
movi v.tr.
(mo-vi)
Gjavâ cdn. dal so puest o de sô funzion indulà e metilu di une altre bande
sinonims
cambiâ, stramudâ, trasferî, mudâ
esemplis
"domandâ di jessi mot di ufici"
movi v.tr.
(mo-vi)
[TS] (zûcs) Fâ une mosse, cambiâ di casele une pedine, un toc di un zûc (ancje ass.)
esemplis
"in dutis lis partidis di scacs al scomence a movi simpri il blanc"
gjavât fûr di "Zuìn di scacs" di Nilde Teresa Negro
movi v.tr.
(mo-vi)
Fâ lavorâ
sinonims
meti sot, meti in vore, clamâ
esemplis
"si sveave adore par jentrâ drete in chê vore, e e moveve il famei a impiâ il fûc te lissiarie, e la Svualdine a puartâ dongje i coladôrs par impodenâ"
gjavât fûr di "Cjase di Dalban" di Maria Forte
movi v.tr.
(mo-vi)
Mudâ di puest o posizion i stiçs par fâ cjapâ fuarce al fûc
sinonims
saborâ
esemplis
"te foto di Coccolo si viôt un vecjo che al môf un fûc tacât par brusâ i vidiçs cuinçâts"
gjavât fûr di "I lûcs de tradizion in Friûl" di Erika Adami
movi v.tr.
(mo-vi)
Fâ scomençâ o rindi plui fuarte une azion, une dinamiche, un element e v.i.
sinonims
fâ, tacâ
esemplis
"tu doncja movevis uera ai miei nemîs, e jo varès dovût ringraziâti"
gjavât fûr di "Il farc" di Giovanni Luigi Filli
"la gjornalarie locâl se gjolt a movi polemichis"
gjavât fûr di "Memoriis di politiche linguistiche" di Adrian Cescje
"a son tantis lis fuarcis che a fasin jeve sul nestri pensâ e a movin la nestre disfortune"
gjavât fûr di "La tiere di Lansing" di Maria Forte
movi v.tr.
(mo-vi)
Fâ vignî fûr cdn. de imobilitât, de passivitât (fig.)
sinonims
dâ la mote, dessedâ, discjantâ, disdurmidî, dismovi, dissumiâ, disveâ, mobilizâ, pocâ, remenâ, sacodâ, sburtâ, scjalterî, scjassâ, sclocjâ, scorsonâ, scossâ, sgorlâ, spacâ, spacolâ, spironâ, spontonâ, stomblâ, uçâ, stiçâ
esemplis
"al è simpri stât cualchidun de bande de puare int [...] ma nol jere rivât adore di fâ grum e movi la int, in gjenerâl rassegnade a restâ [...] sotane"
gjavât fûr di "Cuintristorie dal Friûl dal 1866 fint in dì di vuê" di Francesc Placerean
"o fâs tantis gjerometis, par fâ movi la int, par che e cjapi interès a ce che o i dîs"
gjavât fûr di "Il Bide di Miot" di Maria Forte
movi v.tr.
(mo-vi)
Cambiâ une situazion, cundizion e v.i. (fig.)
sinonims
furigâ, saborâ, tirâ fûr, tocjâ
esemplis
"[azions politichis che] a rivin in moments li che la situazion di politiche linguistiche e je blocade, par movile"
gjavât fûr di "Riflessions par une politiche linguistiche de lenghe furlane" di Sandri Carrozzo
movi v.tr.
(mo-vi)
[TS] (agr.) Lavorâ la tiere, voltâle in mût che e sedi mancul dure
sinonims
svegrâ
esemplis
"a davin sù i ricuarts: a movi chê tiere al jere come saborâ dentri dal timp passât"
gjavât fûr di "La aghe da pît la cleve" di Dino Virgili
movi v.tr.
(mo-vi)
Sveltî la digjestion (fam.)
esemplis
"il most al pues movi i budiei"
detulis
"clap che si môf nol fâs muscli"
"cuant che la buere si mûf, o un o cinc o nûf"
"il cjan nol môf la code se no si lu paie"
"la bisugne a fâs ben movi i piçs"
"no si va a movi il jespâr"
"se Diu nol vûl, no si môf une fuee di pôl"
torne sù