SuperDizionari

mude s.f.
(mu-de)

Robe nete che si pues meti tal puest di ce che si à intor

sinonims

cambi

esemplis

"a cjase lôr miserie che alce da pês, cui bleons rots tant che i pîts a sbrissin fûr tai scartòs dal paion discusît, cu la sfilzade dute a bûs, cence une mude di blancjarie di cambiâsi"

gjavât fûr di "Une scarpute" di Pieri Somede dai Marcs

mude s.f.
(mu-de)

[TS] (zool.) Pierdite e rinovament periodic de piel, dal pêl o des plumis dai animâi

esemplis

"lis gjalinis no fasin ûfs parcè che a son in mude"

gjavât fûr di "Il Nuovo Pirona" di Giulio Andrea Pirona, Ercole Carletti, Giovanni Battista Corgnali

mude s.f.
(mu-de)

Aspiet esteriôr (fig.)

esemplis

"la Cjargne cu la biele stagjon e cambie mude"

gjavât fûr di "Istât in mont" di Marta Vezzi

mude s.f.
(mu-de)

Intai timps passâts, puest li che si fermavisi par fâ polsâ o cambiâ i cjavai e li che si paiave lis tassis su ce che si puartave

sinonims

dazi

esemplis

"la mude di Vençon"

gjavât fûr di "Il Nuovo Pirona" di Giulio Andrea Pirona, Ercole Carletti, Giovanni Battista Corgnali

mude s.f.
(mu-de)

Passaç di funzions di cdn. a cdn. altri dopo di un timp stabilît

sinonims

cambi

esemplis

"strissâ fin li de cove, par dâi la mude a chel [soldât] che al veve fat il turni [di vuardie] prin di lui"

gjavât fûr di "Cjalant la rive" di Agnul di Spere

"lu cjariarin su la portantine che a vevin daûrsi e a scomençarin a vignî jù de mont dantsi la mude tal puartâ"

gjavât fûr di "Cretevierte" di Roberto Ongaro

mude s.f.
(mu-de)

Trop di plui cjans impegnâts tal fâ une azion insiemi

esemplis

"20 mudis di slitis dai curîrs postâi che a traspuartarin la antitossine difteriche par salvâ da la muart sigure centenârs di fruts"

gjavât fûr di "Di Fusine in Alaska in sleddog" di Redazion lenghe.net

monolengâl