SuperDizionari

mugnestri adi.
(mu-gnes-tri)

Soredut di animâl, che al à un caratar dolç, che al ubidìs daurman e che nol è agressîf

sinonimi

dumiesti, dolç di bocje, ubidient, cuiet, bon

esempi

"al argagnave intor di un mussut mugnestri e pacific, imbastintlu cun barîi e bolzetis"

da "Sukaran" di Giovanni Urban

Vedi anche: mugnesti, mignestri, mugnestic, mignesti, mignestic

mugnestri adi.
(mu-gnes-tri)

Ancje di persone, caratar, mût di fâ e v.i., pront a scoltâ, a capî, a no barufâ

sinonimi

dumiesti, dolç, bon, adatevul, degnevul, tenar, pacific, pazient, cuiet, indulgjent

esempi

"al mi à dât une voglade che crodevi che al mi sfulminà [...], ma plui tart mi e vignût dongje plui mugnestri"

da "Gnot di Nadâl" di Pieri Somede dai Marcs

"al vîf la sô vite, sclet e mugnestri, cence fâi mâl a dinissun"

da "Storie di Min" di Ivano Urli

mugnestri adi.
(mu-gnes-tri)

Di element materiâl, che si lasse lavorâ cun facilitât e che al da bon risultât o che al rispuint ben a un comant, a une manovre e v.i. (fig.)

esempi

"la tiare buine, mugnestre, ca jù, e dave il pan pal cristian e il fen pal nemâl"

da "La aghe da pît la cleve" di Dino Virgili

"il portelon dongje si jere viert, mugnestri, cuntun scloc"

da "La otave corsie" di Gianfranco Pellegrini

monolingue