Hai cercato la parola
monolingue
Torna indietro

monolingue

mut adi., s.m.
Che, cui che par cualchi disturp o lesion nol rive a fevelâ
esempi
"cualchidun [pe vuere in trincee] al pierdeve lis capacitâts sensoriâls: vuarbetât, sorditât o che al deventave mut"
da "Stupit di vuere" di Angelo Floramo
"[un infermîr] al cjapà sot braç Antoni, judantlu a puartâ chel so vecjo cuarp mut dentri di chel palaç forest che di masse agns al jere deventât la sô cjase"
da "Lis cialis" di Christian Romanin
mut adi., s.m.
Che, cui che nol fevele intun ciert moment, ancje se al pues fevelâ (fig.)
sinonimi
cidin
esempi
"po al jentrà ancje Guri: mut. Al slungjà lis mans paonacis sul fûc dal spolert, sfreolantses un pôc"
da "La aghe da pît la cleve" di Dino Virgili
"jê, la vecje, e restave frede e mute come une statue"
da "Chei di Muraie" di Pieri Menis
mut adi.
Che nol fâs sunsûr o li che no si sintin sunsûrs (fig.)
esempi
"chê incaronadura di crets su la aga simpri muta"
da "La aghe da pît la cleve" di Novella Cantarutti
"[la cjase] e restave li, sierade e mute, a conservâ il segret di chê muart"
da "Cretevierte" di Roberto Ongaro
"mûrs e fogolârs no fevelin. A son une presince mute, ma penze"
da "Trê feminis" di Gianni Gregoricchio
mut adi.
Che nol è pandût a peraulis o che nol è pandût par nuie (fig.)
sinonimi
cidin, platât, scosagn, scuindût, nascuindût, cuviert
esempi
"lui al reste cidin [...], involuçât te cape des domandis mutis dai presints"
da "Madalene" di Franco Marchetta
"par cjatâ un fregul di salustri a chel dolôr, mut, che lu lambicave, Mario, al tornave jenfri i ricuarts dai Nadâi passâts, cuant che al jere frut"
da "Chel Nadâl spietât" di Nello Malisano
mut adi., s.m.
[TS] (cinem.) Dal cine dai prins timps, o par sielte ancje dai timps seguitîfs, che nol veve il sun o che nol veve il sun dal fevelât
esempi
"“Cinemazero” di Pordenon e “La Cineteche dal Friûl” di Glemone a organizin il classic apontament internazionâl dedicât al cine mut"
da "Un an di cine" di Redazion La Patrie dal Friûl
mut adi.
[TS] (gram.) Di segn grafic, che ancje se al ven scrit nol ven pronunziât
esempi
"al baste vê une regule che e disi che chest v si lu scrîf simpri ma che in ciertis varietâts al è mut"
da "La grafie furlane normalizade – Introduzion" di Xavier Lamuela
proverbi
"doi muts no puedin intindisi"
"i muts a fevelin a mots"
"i muts no si po capîju"
"se tu vûs sei ben viodût, tenti sort e ancje mut"
Torna in Cima