Tu âs cirût la peraule
monolengâl
torne indaûr

monolengâl

nancje av.
(nan-cje)
Par pandi une negazion o par dâi plui fuarce
esemplis
"tredis cjartis di dîs mil da la une [...] scuindudis che nancje Diu nol saveve dulà"
gjavât fûr di "La vacje" di Meni Ucel
"cjale ca, nancje un cjaveli grîs"
gjavât fûr di "Al prossim casting ti sielzin te" di Maurizio Mattiuzza
Viôt ancje: nencje, nancj, gnancje, niancje, nengje, nincje, nen
nancje av., coniun.
(nan-cje)
Par escludi une ipotesi, une pussibilitât o par introdusi une protasi di periodi ipotetic cun sens negatîf
esemplis
"Jo? … nancje muart no mi menarês in glesie!"
gjavât fûr di "Gnot di Nadâl" di Pieri Somede dai Marcs
"e cuant che il timp e l'aiar menaran li semencis lontan / chel lontan nol sarà mai avonde / nancje fossial insom dal mont"
gjavât fûr di "Sanc dal gno sanc" di Stiefin Codut
"la int a no si finìs mai di cognossile, nancje lant tal jet insiemi"
gjavât fûr di "La maiute di Zidane" di Maurizio Mattiuzza
nancje av.
(nan-cje)
Cence valôr negatîf, ma dome enfatic, par da plui fuarce a une espression (enf.)
sinonims
mo, po, ve
esemplis
"«Isal nancje un vilan chel frutat?…» «Ce vêso di dî mo?…» «Ise maniere di fâ chê?…» «Ce vûstu pretindi di chê gjarnazie?… cun chê scuele che a àn in cjase!…»"
gjavât fûr di "Un muart su la strade" di Pieri Menis
"ma spachial nancje ben chê veladine? / Ma fasial nancje ben i compliments? / Ce figurin di meti te vetrine!"
gjavât fûr di "Ce figurin!" di Fabiunculus
nancje prep.
(nan-cje)
Par segnâ che no si rive a une cuantitât
esemplis
"zovin di nancje vincj agns"
gjavât fûr di "Storie di Min" di Ivano Urli
"passâts nancje vincj agns, la agriculture al è un setôr in crisi"
gjavât fûr di "Un Friûl difarent: i 90 mhz di Onde Furlane" di Max Mauro
detulis
"bisugne inneâsi tal mâr grant, no je nancje braùre a inneâsi intune tace di aghe"
"cence bêçs no si sta ben nancje in glesie"
"di bessôi no si sta ben nancje in paradîs"
"nancje il mont nol è stât fat dut intune dì"
torne sù