SuperDizionari

natîf adi., s.m.
(na-tîf)

Che, cui che al è nassût intun ciert puest

sinonims

origjinari, nassût

esemplis

"pre Lenart Maçulin plevan di Luincis, natîf di Fusee, che je la patrie dei Maçûi e di ducj i Maçulins"

gjavât fûr di "A la sagre di Mion" di Giovanni Gortani

"so pari, natîf di Braçan, al veve cjolt in afit un mulin su lis nestris roiis"

gjavât fûr di "La mulinarie" di Catarine Percude

natîf adi., s.m.
(na-tîf)

[TS] (etnol.) Che, cui che al fâs part di une comunitât presinte par tradizion intun ciert teritori

sinonims

aborigjen, autocton, indigjen

esemplis

"un popul, chel dai natîfs amerecans, masse di spes tormentât, sbeleât e dismenteât"

gjavât fûr di "L'unic indian bon al è chel muart" di Lino Straulino

natîf adi.
(na-tîf)

Che al è presint fin de nassite o che al è compenetrât cu la nature di cdn.

sinonims

naturâl

esemplis

"forsit, cheste int si ferme nome ai titui dai gjornâi propit par chel: par che no vadi ruvinade cheste native facoltât [di intuî la veretât vere]"

gjavât fûr di "La civiltât dal fum" di Riedo Pup

monolengâl