SuperDizionari

nazionâl adi.
(na-zi-o-nâl / na-zi-o-nâl)

De nazion tant che complès di personis leadis di une stesse culture e lenghe e che a vivin par tradizion intun stes teritori

esempi

"incressi la culture furlane in lenghe furlane, e cun chê la cussience nazionâl furlane"

da "Memoriis di politiche linguistiche" di Adrian Cescje

nazionâl adi.
(na-zi-o-nâl / na-zi-o-nâl)

Di istituzions, ents e v.i., che a dipendin dal stât o che a ricognossin il stât tant che lôr dimension di riferiment (impropr.)

esempi

"i parametris di riferiment a son chei fissâts dal Contrat Coletîf Nazionâl di Lavôr dal compart scuele"

da "La tutele de lenghe furlane a scuele" di Patrizia Pavatti

"une colaborazion tra Societât Filologjiche Furlane e Associazion Nazionâl Alpins di Udin"

da "Il salût di Vicario" di Federico Vicario

nazionâl s.f.
(na-zi-o-nâl / na-zi-o-nâl)

Scuadre, spec. sportive, selezionade tra i miôr atletis o rapresentants su scjale statâl (impropr.)

sinonimi

selezion

esempi

"Enzo Bearzot, comissari tecnic da la nazionâl taliane di balon, origjinari di Dael"

da "Dal diari "Olmis" a la "Fraie de Vierte"" di Redazion SFF

nazionâl adi., s.m.
(na-zi-o-nâl / na-zi-o-nâl)

(sport) Campionât che al acete atletis o scuadris iscrits intune federazion di dut il teritori dal stât, ma no di altris stâts

esempi

"cualificâsi pai nazionâi di atletiche"

monolingue