SuperDizionari

negatîf adi.
(ne-ga-tîf)

Che al pant o al à dentri une negazion

esempi

"la propueste e à cjatât une rispueste negative de bande des istituzions"

da "Paîs Basc: lis rispuestis ae propueste de ezkerra abertzale e la iniziative di EA" di Carli Pup

negatîf adi.
(ne-ga-tîf)

Che al compuarte o che al è caraterizât di dificoltâts, problemis, insuficience, che si indrece o che al puarte al mâl

sinonimi

aviers, contrari, ledrôs

esempi

"i procès di consum e di produzion a puedin vê une vore di consecuencis negativis, come l'incuinament, la cimentificazion, la distruzion di bens culturâi"

da "Dal Prodot Interni Lort aes misuris dal benstâ" di Marzi Strassolt

"fra i fats negatîfs di chei mês di ditature e va segnalade la pierdite di Osôf (14 di Otubar), avigniment une vore dolorôs par Cavedalis"

da "Zuan Batiste Cavedalis - Une vite esemplâr" di Giovanni Pillinini

negatîf adi.
(ne-ga-tîf)

Che al prossume che lis robis a laran mâl, che i mancje entusiasim

sinonimi

pessimist

esempi

"no stâ sei tant negatîf"

negatîf adi.
(ne-ga-tîf)

Che intune scjale numeriche al è sot dal zero

esempi

"te zone dai lâcs di Fusinis si regjistrin temperaduris polârs, cualchi volte dongje dai 40° negatîfs"

da "La mont furlane" di Mauro Pascolini, Andrea Guaran

negatîf adi.
(ne-ga-tîf)

[TS] (biol.) Di esam o analisi di laboratori, che al à escludût la presince di ce che si cirive

esempi

"al è pussibil che une infezion no puedi jessi rilevade se al è pôc timp che la persone si è infetade. In chest câs [...] [il sanc] al podarès passâ la malatie ancje se lis provis che a son stadis fatis a dan un risultât negatîf"

da "ABC... Dona!" di AAVV

negatîf s.m.
(ne-ga-tîf)

[TS] (fotogr.) Imagjin che e à i colôrs contraris de realtât

sinonimi

imagjin negative, negative

esempi

"il Fonts fotografic Pellis al conte 7.156 negatîfs su lastre e pelicule"

da "I Fonts" di SFF

monolingue