Hai cercato la parola
monolingue
Torna indietro

monolingue

negozi s.m.
(ne-go-zi)
Ativitât, soredut comerciâl ma ancje artesanâl o di altre sorte, fate par vuadagnâ
sinonimi
cumierç
esempi
"si porès, tu là sù e jo a Bolzan / intei nestris afârs dâsi une man. / Lasse pûr che nus disin ciarts di lôr, / che nô no sin clamâts par il negozi, / che no savìn dâsi lis mans ator, / che sin nassûts nome par vivi in ozi"
da "A Tite Bas" di Pieri Çorut
negozi s.m.
(ne-go-zi)
Ambient li che si vent marcjanzie o li che si da un servizi o li che si fâs une ativitât par vuadagnâ
sinonimi
buteghe
esempi
"chel di Paisatti al jere un negozi che si cjatave di dut, dai fidelins al fier di sopressâ, dai leams di scarpe ai cjapiei di stran, al sardelon di vinars sant"
da "Il «comandatôr»" di Pieri Menis
"[pal funerâl] si siarin i negozis; sui ribats / e sui balcons svintulin / i segnâi di corot"
da "In muart di mons. Tomadin" di Pieri Çorut
negozi s.m.
(ne-go-zi)
In sens une vore gjeneric, robe che e sucêt
sinonimi
afâr, robe, cjosse, facende, cuistion, storie
esempi
""O biele! Ce negozi isal chest?""
da "La ospitalitât" di Luigi Gortani
negozi s.m.
(ne-go-zi)
In domandis, in gjenar retorichis, par dî se alc al è pussibil o no
sinonimi
pussibil
esempi
"[in cont di robis che a mancjin tal lunari] "E i sants?" "Son in paradîs, fradis." "E lis fiestis?" "Tasêt che lis fiestis, voia o no, capitin ancja sença il lunari." "E la luna?" "Negozi?" "La luna mi la jai sparagnada par me, parcè che nissun la bat miei, vi lu zuri""
da "Il me paîs" di Federigo Comelli
"jo fra di me levi pensant: «Isal negozi che cuant che son vedranis, e vebin di sei dutis di chês dal bon Gjesù?»"
da "Lant jù pe Tresemane" di Giovanni Gortani
proverbi
"alc al va in ogni negozi"
"fra il vieri e il novel, al è negozi di lassâi la piel"
"nol è negozi in tiere che al puarti plui dam de vuere"
Torna in Cima