Hai cercato la parola
monolingue
Torna indietro

monolingue

neri adi., s.m.
(ne-ri)
Colôr plui scûr di ducj, chel de mancjance complete di lûs
esempi
"une frute cun dôs lungjis strecis neris"
da "Storie di Vera" di Ivano Urli
"une Guzzi Falcone dal '54: 500 cc, motôr a cuatri timps monocilindric, rosse e nere tant che il diaul"
da "Il svol dal Falcone" di Antescûr
"une bree piturade di neri"
da "Ombris tal infinît" di Carlo Sgorlon
neri adi., s.m.
(ne-ri)
Scûr par vie che al è in ombre o pe presince di robis che a fasin ombre o pe presince di elements scûrs
esempi
"il zûc des balis al jere neri di oms che a sberlavin"
da "Par stradis lungjis" di Alan Brusini
"la citât e jere nere di int"
da "Une letare par Bepo" di Pieri Menis
neri adi., s.m.
(ne-ri)
Une vore scûr, ancje se al pues jessi di fat une tonalitât di maron o di grîs
sinonimi
scûr
esempi
"Nardine invezit e varès puartade in dote dute chê biele tiere nere e grasse là jù sul ôr dal Cuar"
da "Sul agâr" di Pieri Menis
"e rive la burascjade: nûi neris di ogni bande, vongulonis spropositadis che al pareve che a volessin gloti la nâf"
da "Ricuarts e inlusions" di Enrico Martina
neri adi.
(ne-ri)
Scûr, di prodots che a puedin jessi in plui varietâts di colôr
esempi
"medievâls a son lis primis atestazions dal Figo moro o Longhet, fîc neri tant preseât di Cjanive di Sacîl"
da "Une regjon di cerçâ" di Sandri Carrozzo
"chê zoventût se gjoldeve tor une taule ben furnide di gracie di Diu, culà al fresc sot une piergule di ue nere"
da "La Madalene" di Zuan Lurinçon
"moris blancjis e neris"
da "I fruts di une volte" di Onorio Dose
neri adi., s.m.
(ne-ri)
Vin fat lassant la trape tal most intant de bulidure
esempi
"denant di lui al è 'Sef dut scalmanât che al bagne il bec cu la tace di neri"
da "La furlane" di Dolfo Zorzut
"int che e beveve vin neri misturât cun gasose"
da "Il sorbet di limon" di Agnul di Spere
neri adi., s.m.
(ne-ri)
Che, cui che al à la piel scure di nature
esempi
"vie i mucs e indenant chei altris: neris su la jeep, gome di mastiâ, sigarets americans, charleston e fox trot invezit di Lilì Marlene"
da "Cuintristorie dal Nûfcent 1940-1950" di Angelo Floramo
"ta la mê imprese o ai scugnût cjapâ siet neris, parcè che no si cjatave nancje un blanc cun chê di tirâsi sù lis maniis da la cjamese"
da "Eivissa mon amour" di Fabian Ros
neri adi., s.m.
(ne-ri)
Deventât scûr cul soreli
sinonimi
scûr
esempi
"i oms vistûts di fieste ti àn lis mans e il cuel neris e a grops tant che lidrîs di morâr"
da "I forescj" di Alan Brusini, Gian Paolo Linda
neri adi.
(ne-ri)
Scurît par vie dal sporc
sinonimi
contôs, cragnôs, sporc
esempi
"i fruts ator dal fogolâr impiât o su lis bancjis dilunc i mûrs neris di cjalin"
da "A uciei cu lis archetis" di Pieri Menis
"ongulis neris di morcje e un sotfont di odôr di vueli e di benzine che nol leve mai vie"
da "Il svol dal Falcone" di Antescûr
neri adi.
(ne-ri)
Caraterizât di pecjât, colpe, disonôr e v.i. (fig.)
sinonimi
contôs, cragnôs, trist
esempi
"al jere nome il pecjàt dai oms che al rompeve la armonie dal mont, sgjarnant maglis neris tal araç infinît de creazion"
da "Marc di Europe" di Carlo Sgorlon
neri adi.
(ne-ri)
Che al à a ce fâ cun ativitâts ilegâls o iregolârs (fig.)
esempi
"fonts neris"
"lavôr neri"
"marcjât neri"
neri adi.
(ne-ri)
Caraterizât di disgraciis, dificoltâts, depression e v.i. (fig.)
sinonimi
disfortunât, disgraciât
esempi
"chê e je stade, par gno cont, la zornade plui nere di dute la anade"
da "Lis predicjis dal muini" di Josef Marchet
"par dî il vêr, o ai passât un moment neri te mê vite. Ma ae fin o ai vût cheste fuarce, che e jere dentri di me, ancje se no le viodevi"
da "Un cjargnel al Concerton di Rome dal Prin di Mai: lis emozions di Doro Gjat" di Oscar Puntel
neri adi., s.m.
(ne-ri)
Ancje in funz. av., in mût pessimist (fig.)
sinonimi
scûr
esempi
"che si calmi, pal amôr di Diu, jê e viôt dut neri"
da "Vilie di Nadâl" di Pieri Somede dai Marcs
neri adi.
(ne-ri)
Tant che rinfuarcitîf di sostantîfs o adietîfs che a pandin un sens negatîf
esempi
"la plui part de nestre int ancje inscuelade e vîf te plui nere ignorance di dut ce che al è fûr dai confins de Penisule"
da "Lôr no molin e nô no molìn" di Josef Marchet
"fruts che no vevin un fregul di colôr, dome chel de miserie e de fam, che e je nere"
da "Pre Pitin" di Antoni Beline
neri adi.
(ne-ri)
Di brut umôr o une vore rabiât, ancje tant che rinfuarcitîf
sinonimi
rabiôs, invelegnât
esempi
"soldâts e uficiâi talians a jerin neris di murî dibant e di viodisi tratâts di cjans di Cadorna"
da "Cuintristorie dal Friûl dal 1866 fint in dì di vuê" di Francesc Placerean
neri adi.
(ne-ri)
[TS] (let.) Gjenar leterari cun carateristichis di misteri, di violence
esempi
"contis par no durmî (gjenar neri, gotic e di orôr)"
da "Vagon Gnot e S(a)lam Poetry" di Raffaele Serafini
neri adi., s.m.
(ne-ri)
(polit.) Che, cui che al è di diestre estreme
esempi
"i sorestants a passin e il personâl al reste: simpri chel, cul re, cu la republiche, cui neris, cui ros, cui blancs, cui verts"
da "Debil il cerviel ma fuarte la gramule" di Josef Marchet
"su la plaçute di Roncjâl al rivâ il «18 BL» cu la scuadrace nere"
da "Devant di dut il cîl" di Dino Virgili
neri adi., s.m.
(ne-ri)
[TS] (zûcs) Intai zûcs de dame e dai scacs, toc scûr in oposizion a chei clârs
esempi
"la posizion di partence de regjine e je simpri te casele dal so colôr (la regjine nere te casele nere, la regjine blancje te casele blancje)"
da "Zuìn di scacs" di Nilde Teresa Negro
neri adi., s.m.
(ne-ri)
[TS] (zûcs) Inte roulette, colôr di metât dai numars
esempi
"pontâ sul neri"
proverbi
"a scûr dutis lis ocjis a son neris"
"a son i merlots che a restin neris, di cuant che a nassin fin cuant che a muerin"
"di gnot dutis lis pioris a parin neris"
"doi neris a fasin stâ ben la famee: predi e purcit"
"i spaurôs a viodin il diaul plui neri di chel che al è"
"il diaul nol è mai tant neri che lu fasin"
"il diaul nol è mai tant neri che lu piturin"
"la vacje nere e fâs il vidiel blanc"
"lei libris vieris, bevi vin neri, lâ cun feminis che no son zovinis"
"no bisugne fâ il diaul plui neri di ce che al è"
"tiere nere a fâs bon pan, tiere blancje e fâs ledan"
"tiere nere e fâs bon gran, farine blancje a fâs bon pan"
"tiere nere e fâs bon gran, tiere blancje e fâs murî di fam"
Torna in Cima