SuperDizionari

torne indaûr

monolengâl

nudrî v.tr.
(nu-drî)

Fâ mangjâ o permeti di vê alc di mangjâ

sinonims

dâ di mangjâ, passi, alimentâ

esemplis

"al era un panuglit di canai che al podeva vê justa un meis e la vecja a tacà a nudrîlu cul gucjarin"

gjavât fûr di "La agna Mia di Ristec" di Novella Cantarutti

"restade vedue cun cinc fîs, cu lis sôs fadiis ju à nudrîts e mantignûts e implantâts ancje chei ducj"

gjavât fûr di "La mulinarie" di Catarine Percude

nudrî v.tr.
(nu-drî)

Di aliment, dâ sostance, energjie, dâ i elements che i coventin al organisim

sinonims

passi, sostentâ, sostignî, tignî sù

esemplis

"cuincis e spongjis gnovis che a nudrissin cence onzi"

gjavât fûr di "I furlans e la television" di Riedo Pup

nudrî v.tr.
(nu-drî)

Produsi, furnî il mangjâ

esemplis

"chês praderiis largjis e viartis, che una volta nudrivin cul so foragjo chê raza famosa di cjavai furlans"

gjavât fûr di "Il me paîs" di Federigo Comelli

nudrî v.tr.
(nu-drî)

Fâ cressi ancje alc di inanimât (fig.)

esemplis

"ogni an un gridiç di cavalîrs al nudrive une ace di sede dome par jê"

gjavât fûr di "La cotule di none Betilde" di Maria Forte

nudrî v.tr.
(nu-drî)

Fâ che alc, ancje imateriâl, al resti vîf o al cressi (fig.)

esemplis

"la domenie e je un regâl dal Signôr par polsâ il cuarp e nudrî la anime"

gjavât fûr di "Tornìn a fâ fieste" di Riedo Pup

"fumate nazionalistiche creade cul intindiment di impiâ e di nudrî, in barbe aes plui claris veretâts, la asse plui invelegnose cuintri di dut ce che al po savê di Austrie"

gjavât fûr di "Cuintristorie dal Friûl fin sot la Italie" di Josef Marchet

"chê pietât popolâr, dal latin pietas, che e à nudrît e e nudrìs lis tradizions e une biele fete de nestre culture di furlans"

gjavât fûr di "Diari di un progjet didatic: etnografie par furlan te scuele" di Dario Chialchia

nudrî v.tr.
(nu-drî)

Arlevâ, educâ intune cierte maniere (fig.)

esemplis

"te lôr famee no si podeve mighe nudrî i fîs a polente e patafs come che a costumavin tancj di lôr"

gjavât fûr di "Cjase di Dalban" di Maria Forte

nudrî v.tr.
(nu-drî)

Vê une cierte disposizion psicologjiche, un ciert pinsîr, un ciert sintiment e v.i. (fig.)

sinonims

vê

esemplis

"lu cjalavin cun invidie, e dentri vie o nudrivin sudizion par lui"

gjavât fûr di "I arcs" di Maria Forte

"ducj chei che a nudrissin tal lôr cûr cheste sperance di un Friûl plui vîf"

gjavât fûr di "Furlans pe patrie" di Antoni Beline

detulis

"bisugne savê doprâ il len par nudrî la prole ben"

"cui che al nudrìs gnece al nudrìs il so dolôr"

"no si po nudrî e fâ formadi"

torne sù