Hai cercato la parola
monolingue
Torna indietro

monolingue

nulî v.tr.
(nu-lî)
Sintî l'odôr, sedi par azion volontarie che par percezion spontanie tirant sù aiar cul nâs
sinonimi
nasâ, usmâ
esempi
"[un cjan] rivât tal mieç de vile, juste dongje di une statue che e jere inte plaçute, al si fermà, al nulì intor dal basament e po, alçade la gjambute, al tacà a molâ chel sclip"
da "La sgarfade dal cjan" di Josef Marchet
"al nulive cun plasê l'odôr dai libris e des rivistis, in rie sui plans de biblioteche"
da "Ombris tal infinît" di Carlo Sgorlon
nulî v.tr.
(nu-lî)
Presintî alc, capî alc in maniere intuitive (fig.)
sinonimi
lampâ, olmâ, capî, induvinâ, intuî, nasâ, usmâ
esempi
"o vin volût provâ a fâ un fregul di esam di cussience par viodi se in cheste straçarie di fuarcis e ves la sô part di responsabilitât ancje «Patrie dal Friûl», che le veve nulide di lontan"
da "Esam di cussience" di Josef Marchet
"nô doi si sintivin in discomut; no che al fos za stât alc fra di nô, ma o nulivin che al varès podût sucedi"
da "Cretevierte" di Roberto Ongaro
nulî v.intr.
(nu-lî)
Fâ odôr, vê un odôr
sinonimi
nasâ, odorâ
esempi
"mi jeri inviât dentri pal bosc, in chê frescure che e nulive di pês"
da "La scuele dai fornasîrs" di Pieri Menis
"te plane al madurìs il forment e ca sù il vignâl al nulìs de ue in flôr"
da "Mame..." di Pieri Somede dai Marcs
proverbi
"cui che le nase le travase, cui che le nûl le trai pal cûl"
Torna in Cima