SuperDizionari

ocupâ v.tr.
(o-cu-pâ)

Fâ in mût che un ciert spazi o puest, sedi materiâl che ideâl o funzionâl o sim., nol sedi libar o disponibil, cu la proprie presince o metint robe

sinonimi

cjapâ

esempi

"il puest di onôr [...] lu vevin ocupât i predis, intel mieç il plevan di Luincis, cun pre Filip di une bande, e pre Feliç di chê altre"

da "A la sagre di Mion" di Giovanni Gortani

"su la culine di Mont, par antîc, al jere un grant cjistiel che le ocupave dute"

da "Lis leiendis di Buie" di Pieri Menis

"mi pareve di involuçâ intun sôl fas di impressions dute la valade e ducj i sîts, cognossûts o no, che a vevin ocupât la mê fantasie di frut"

da "Il dolfin" di Carlo Sgorlon

ocupâ v.tr.
(o-cu-pâ)

[BF] Fâ che cdn. al vedi di meti timp e impegn intune ativitât o in plui ativitâts

sinonimi

impegnâ

ocupâ v.tr.
(o-cu-pâ)

Dâ lavôr paiât a cdn., tignîlu sot contrat

sinonimi

impleâ

esempi

"in dì di vuê [Informazion Furlane] e ocupe 7 dipendents e e ten sù un 15 colaborazions che a son costantis dilunc dai agns"

da "Efiets economics e ocupazionâi des leçs di tutele de lenghe furlane" di Linda Picco, Sandri Carrozzo

ocupâ v.tr.
(o-cu-pâ)

Cjapâ e mantignî il possès di un teritori cuntune invasion

esempi

"i Carnics che a ocuparin il Friûl a partignivin, duncje, a un ramaç diferent di chei Celtics che, de Svuizare o de Galie, a rivarin ta la alte Italie"

da "Cuintristorie dal Friûl fin sot la Italie" di Josef Marchet

ocupâ v.tr.
(o-cu-pâ)

Cjapâ il possès di un edifici o di une struture, cence vê la proprietât e cence il permès dal proprietari, dispès par proteste sociâl o tant che maniere no convenzionâl di cjatâ une sistemazion

esempi

""[...] no sêstu un di chei che il tredis di Mai, al à tiziade la fole a ocupâ il palaç comunâl e a menaçâ i deputâts di fâju fûr a un a la volte?""

da "Int di masnade" di Alviero Negro

monolingue