Tu âs cirût la peraule
monolengâl
torne indaûr

monolengâl

odôr s.m.
(o-dôr)
Sensazion olfative dade di une sostance
sinonims
flât, malodôr, nulôr, peste, puce, tuf, usme
esemplis
"la jerbe alte e dure che e nulive di mente salvadie e di camamilats, e e sierave il troi cun chel odôr"
gjavât fûr di "Cjase di Dalban" di Maria Forte
"tal aiar si sintive odôr di polente che al vignive fûr di cualchi cjase li dongje"
gjavât fûr di "Sul agâr" di Pieri Menis
"un odôr di sierât e di mufe di intosseâ"
gjavât fûr di "Pre Josef" di Pieri Somede dai Marcs
"cui che al mole [di fumâ] al recupere plasês pierdûts o dismenteâts: gjoldi il vêr gust dai aliments, sintî i odôrs e respirâ miôr"
gjavât fûr di "Stude i spagnolets!" di Guglielmo Pitzalis
odôr s.m.
(o-dôr)
Jerbe o altre sostance che si dopre par cusinâ
esemplis
"il salvadi cusinât cun ducj i siei odôrs"
gjavât fûr di "Friûl e furlans te Histoire de ma vie di Giacomo Casanova" di Pierluigi Visintin
odôr s.m.
(o-dôr)
Element che al fâs capî o previodi alc
sinonims
aiar, puce, jenfrisegn
esemplis
"cuant che, par dut il paîs, si tache a puartà ator bandieris o ghirlandis di orâr, a tontonâ di glorie e di "urne dei forti" [...], al pâr di sintî odôr di burlaç"
gjavât fûr di "Si tornial a cjariâ la suste?" di Josef Marchet
""Sono novitâts?" "Eh! sì, grandis." "Odôr di matrimoni.""
gjavât fûr di "A la oselade" di Pieri Somede dai Marcs
detulis
"cui che al sta indaûr no i rivin i claps ma i rive l'odôr"
"dulà che al è stât il fûc al reste odôr di brusadiç"
torne sù