SuperDizionari

peste s.f.
(pes-te)

[TS] (med.) Non gjeneric di diviersis malatiis epidemichis, ancje mortâls, sedi dal om che des bestiis, in particolâr di chê causade dal bateri Pasteurella pestis

sinonims

gjandusse

esemplis

"agns di penurie crudêl e fuarte che a van dal 1628 al 1630, là che vuere, fam, peste e muart a fasin pensâ che la Apocalìs e seti une vore dongje"

gjavât fûr di "Des Americhis par continuâ une magjie cun lidrîs profondis" di Angelo Floramo

"daûr lis maseriis a finivin di murî i ultins, di peste, e intor al cresseve il desert"

gjavât fûr di "Cuel Valâr" di Dino Virgili

peste s.f.
(pes-te)

Fenomen storic o sociâl une vore negatîf (fig.)

sinonims

cancar, flagjel, plaie

esemplis

"il terorisim, cheste peste dal nestri timp, nus invelegne la vite, nus gjave ogni sorte di sigurece, nus met in forsit ducj i nestris progjets"

gjavât fûr di "Plui conversion che repression" di Antoni Beline

peste s.f.
(pes-te)

Persone o ancje bestie che no si rive a sopuartâ (fig.)

sinonims

mostri, trement, osti, ostie, birbe, osteât

esemplis

""Oh, ce peste di frute!" e comentà sô agne Gjeme, spacant lis spalis"

gjavât fûr di "Trê feminis" di Gianni Gregoricchio

"agne Mabile la Sorane che si è fate parâ fûr di cjase di ducj i siei fîs, parcè che e je une peste di femine, une sbilfe grintose"

gjavât fûr di "Lis predicjis dal muini" di Josef Marchet

"«Un gjatat», a disevin tal borc, «une peste, une furie», che no si lassave vicinâ di nissun"

gjavât fûr di "Il gjat" di Meni Ucel

peste s.f.
(pes-te)

Materiâl de piês cualitât o ancje sostance che e fâs mâl

sinonims

porcarie, cragne, mierde

esemplis

"formadis fats cun pestis che al è un spieli!"

gjavât fûr di "Sofisticazions" di Meni Ucel

peste s.f.
(pes-te)

Puce une vore fuarte, odôr che no si rive a sopuartâ

sinonims

fetôr, pestilence, puce, malodôr, tuf

esemplis

"chê peste di sudôr, di bago, di sporc a fasevin riviel"

gjavât fûr di "La aghe da pît la cleve" di Dino Virgili

"un sporc, une peste di lisp e di stiç di fâ gomit"

gjavât fûr di "Amîs come prime" di Alan Brusini

monolengâl