SuperDizionari

monolingue

onest adi., s.m.
(o-nest)

Che, cui che al va daûr de justizie e de legalitât, che si compuarte cun coretece cun chei altris e che nol cîr di imbroiâju

sinonimi

just, coret, dret

esempi

"Signôr, jo ti ringrazii che no soi come chei altris oms disonescj, laris e bausârs; jo o soi just e onest"

da "I furlans e i pecjâts" di Riedo Pup

"che tu vadis, mari lenghe, / serie e sclete, intor intor: / tu confuarte dut chest popul / salt, onest, lavoradôr!"

da "Il cjant de Filologjiche Furlane" di Bindo Chiurlo

onest adi.
(o-nest)

Di persone, soredut di femine, che e va daûr dai precets de moralitât, soredut inte vite sentimentâl e sessuâl

esempi

"une femine oneste, nome cjase e lavôr, voli e cûr nome pe famee"

da "Come tai romançs" di Alan Brusini

"puedio rassegnâmi, zovine come che o soi, a restà simpri sole, cuant che un om brâf e onest al mi ufrìs il so nom e il so ben! No aio plui il dirit jo di formâmi la mê famee [...]?"

da "Ninenane" di Bruno Paolo Pellarini

onest adi.
(o-nest)

Che al è di buine cualitât, che al vâl ce che al coste

sinonimi

just

esempi

"prin di cjapâ la rive par tornâ a cjase, o soi sbrissât dentri a bagnâ la peraule alì di Grumbule, che al à un got di chel onest"

da "Lis predicjis dal muini" di Josef Marchet

proverbi

"cui che no si contente dal onest al piert ancje il rest"

"la cjase di une femine oneste e je come une glesie"

Torna in Cima