SuperDizionari

opare s.f.
(o-pa-re)

Ativitât o azion che e prodûs cierts risultâts

sinonims

at, azion, ativitât, vore, lavôr

esemplis

"il prefet, mancul mâl, nol faseve altri che laudâ la mê opare [di podestarie] e il comun"

gjavât fûr di "Lis nestris rosis" di Pieri Somede dai Marcs

"a spandin il lôr tuessin indulà che e larès fate opare di pacificazion e di concuardie"

gjavât fûr di "Di vicin e di lontan" di Josef Marchet

opare s.f.
(o-pa-re)

Risultât di une azion

sinonims

prodot, risultât

esemplis

"chei cuatri piveluts ambiziôs [...] che no stein a contâle a nissun che la regjon furlane, ancje cussì spadade e ramondade come che e je, e je dute opare lôr"

gjavât fûr di "Di bessôi" di Josef Marchet

opare s.f.
(o-pa-re)

Struture edilizie o ativitât di costruzion di une struture

sinonims

lavôr, prodot, vore

esemplis

"ancje conservant buine part des oparis di difese medievâls, il complès al fo trasformât di plante fûr tal Cinccent"

gjavât fûr di "Voleson" di Consorzi pe difese dai cjistiei storics dal Friûl - Vignesie Julie

"lavôrs publics, contribuzions, sovenzions par une opare o par chê altre"

gjavât fûr di "Di vicin e di lontan" di Josef Marchet

opare s.f.
(o-pa-re)

Prodot di une ativitât artistiche o inteletuâl

sinonims

vore

esemplis

"tal 1560 e comparì - dedicade a Badoer - la Fabrica intellectualis dal udinês Marcantonio Luigini [...]. Si trate di une oparute enciclopediche dividude in sîs parts"

gjavât fûr di "Il brevet" di Mario Turello

"tal 1995, Onde Furlane e darà une man ancje ae publicazion dal CD "Colôrs", la seconde opare dai Mitili FLK"

gjavât fûr di "Un Friûl difarent: i 90 mhz di Onde Furlane" di Max Mauro

"[Afro Basaldella] al jentrà, cu lis sôs oparis, tes colezions dai museus plui prestigjôs dal mont"

gjavât fûr di "Afro Basaldella" di Luca De Clara

opare s.f.
(o-pa-re)

Gjenar di rapresentazion artistiche li che la recitazion si fâs cjantant cun acompagnament de orchestre

esemplis

"apassionâsi di opare"

opare s.f.
(o-pa-re)

Persone cjapade a lavorâ in campagne

sinonims

vore

esemplis

"o ai dodis oparis a svangjâ la vigne"

gjavât fûr di "Il Nuovo Pirona" di Giulio Andrea Pirona, Ercole Carletti, Giovanni Battista Corgnali

monolengâl