SuperDizionari

ordenâ v.tr.
(or-de-nâ)

Dâ un ordin

sinonims

decretâ, disponi, imponi, intimâ, stabilî, comandâ

esemplis

"bigne che al comandi un sôl e fâ ce che al ordene!"

gjavât fûr di "Il muc" di Roberto Ongaro

"al viôt denant di se un trop di presonîrs. Il comandant di compagnie al ordene di copâju a metraie"

gjavât fûr di "Mors tua, vita mea" di Checo Tam

ordenâ v.tr.
(or-de-nâ)

Domandâ alc di bevi o di mangjâ tun ambient (ancje ass.)

sinonims

comandâ

esemplis

"cualchidun al torne ta la ostarie, al ordene un altri tai, al peste il pugn sul banc come par fâsi valê"

gjavât fûr di "I forescj" di Alan Brusini, Gian Paolo Linda

"par parâ vie la smare, o ordeni ancjemò un grant di bire scure"

gjavât fûr di "Viaç a Vignesie" di Arturo Feruglio

"al ordenà alc di cjalt e la chelare i fasè bocje da ridi"

gjavât fûr di "La tiere di Lansing" di Maria Forte

ordenâ v.tr.
(or-de-nâ)

Domandâ di fâ un lavôr o di fâ rivâ un prodot

sinonims

cometi, comissionâ

esemplis

"tal indoman Eliseo al le a ordenâ il materiâl. Al saveve ben i puescj, al veve menât tantis voltis cjamis di cjalcine e di savalon pai impresaris"

gjavât fûr di "Prime di sere" di Carlo Sgorlon

"o ai puartât i colôrs che mi à ordenât il pitôr"

gjavât fûr di "Co l'amôr al cimie" di Costantino Smaniotto

"al vendè a un oresin dut l'aur e cun chei bêçs - e no 'nd è stâts nancje avonde - al ordenà une Madone di len in Val Gardene cul Signôr in braç"

gjavât fûr di "La Madone dai siet dolôrs" di Pieri Somede dai Marcs

ordenâ v.tr.
(or-de-nâ)

[TS] (ecl.) Consacrâ e dâ i ordins sacris

esemplis

"[Luigi Faidutti] al studià prime li dal ’Seminari di Udin po in chel di Gurize, tal 1884 al vignì ordenât predi"

gjavât fûr di "150 agns de nassite di bonsignôr Luigi Faidutti, "deputât furlan al Parlament di Viene"" di Alessio Potocco

ordenâ v.tr.
(or-de-nâ)

Meti in ordin o intun ciert ordin, sedi robis concretis che astratis

sinonims

catalogâ, disponi, intropâ, organizâ, rangjâ, riâ, sestâ, sistemâ

esemplis

"une lenghe e ordene lis robis dal mont intune cierte maniere"

gjavât fûr di "Il cjâf dai furlans" di Franc Fari

"ordenâ i libris par argoment"

Viôt ancje: ordinâ

ordenâ v.tr.
(or-de-nâ)

[TS] (mat.) Fissâ pai elements di un insiemi une relazion di ordin no simetriche e no identiche ma dome transitive

monolengâl