SuperDizionari

ordenari adi.
(or-de-na-ri)

Che al è tal ordin normâl des robis, che nol à caratars di specialitât o di ecezionalitât

sinonimi

normâl, regolâr, usuâl, comun, corint, solit

esempi

"la vite ordenarie de int, il so lavôr, lis sôs gjondis e i siei dolôrs, par solit, no interessin ae storie: la storie e je storie dai potents"

da "Cuintristorie dal Friûl fin sot la Italie" di Josef Marchet

"salacor al jere par chê semplicitât che ju tratavin propit cussì puartâts in palme di man. "Nô, o sin come ducj, po: int ordenarie!" e diseve Dreine"

da "La aghe da pît la cleve" di Dino Virgili

Vedi anche: ordinari

ordenari adi.
(or-de-na-ri)

Che nol à grant valôr

sinonimi

andant, comun, corint, di dozene, di trê braçs un franc, dozenâl, basot, di mieze lane, di mieze velade, di mieze vigogne, mediocri, modest

esempi

"e met intor cualchi peçot furnît de parone, peçots di lavôr e robe ordenarie , ma che a judin di istès a sclarîi e ricreâi un fregul il voli"

da "Storie di Vera" di Ivano Urli

ordenari adi., s.m.
(or-de-na-ri)

Che, cui che al à manieris pôc finis, che nol à creance ni elegance (fig.)

sinonimi

grubian, volgâr, vilan, maleducât, malegraciôs, salvadi, coiar, gropolôs, triviâl, grês

esempi

"«A son doi salvadis, plens di pretesis, maleducâts, ordenaris, come il pan di sorc» e diseve done Cheche"

da "Il tesaur di done Cheche" di Pieri Menis

"la muse ordenarie [de prostitude], pastrocjade di ros sui lavris, no imprometeve dal sigûr nissune delizie"

da "Îr e doman" di Gianni Gregoricchio

ordenari adi., s.m.
(or-de-na-ri)

Che, cui che al ten un incaric in maniere regolâr e definitive

esempi

"professôr ordenari di leterature furlane te Universitât di Triest"

da "Memoriis di politiche linguistiche" di Adrian Cescje

ordenari adi., s.m.
(or-de-na-ri)

[TS] (dir.can.) Predi che al à un podê di jurisdizion leât al incaric

ordenari s.m.
(or-de-na-ri)

Toc regolâr di ort o braide li che e je semenade une cierte sorte di plante

sinonimi

strop, ordenâl

esempi

"o lavi a ricreâmi il voli tai ordenaris dal ort dai miei vons"

da "La strie" di Lucio Perès

ordenari s.m.
(or-de-na-ri)

[TS] (milit.) Cuantitât di bêçs destinade a frontâ lis spesis di ogni dì pal sostentament de trupe

esempi

"il soldât [...] se i vegnin afidâts i bêçs del ordenari dei so cameradis nol devi sot pena di un ancjamò plui rigorôs cjastì, abusâsi nepûr de la minima part"

da "Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera" di Antoni Brumat

monolingue