SuperDizionari

osservazion s.f.
(o-sser-va-zi-on)

Il cjalâ cun atenzion e il so risultât

sinonims

analisi, esam, prove, scandai, scandaiade, scrutini, stazade

esemplis

"tai agns o vin ancje cirût di rindi i rocui ponts di osservazion de avifaune pai ricercjadôrs, ma la posizion no jere avonde buine"

gjavât fûr di "Rocui, un patrimoni furlan te memorie di Pre Checo" di Piero Cargnelutti

osservazion s.f.
(o-sser-va-zi-on)

Espression di coment o critiche o precisazion su alc che al è stât fat, dit, scrit e v.i. o ancje suntune situazion o persone

sinonims

coment, considerazion, pinsîr, resonade, riflession, rimarc, rimarche

esemplis

"Lamuela al scolte lis osservazions, al decît su lis modifichis eventuâls, lis acete o no lis acete daûr dal so judizi insindicabil, parcè che lui al reste l'arbitri in vie definitive"

gjavât fûr di "Memoriis di politiche linguistiche" di Adrian Cescje

"o fasìn une sole osservazion: no si à mai di crodi che la int e sedi plui stupide di ce che e je"

gjavât fûr di "Chê di cope cun trê rês!" di Josef Marchet

osservazion s.f.
(o-sser-va-zi-on)

[TS] (sient.) Rilevazion o misurazion direte o strumentâl di un fenomen

esemplis

"chestis osservazions a mostrin che la lûs di une sorzint di lûs ordenarie no je polarizade, di fat no cambie la intensitât de lûs trasmetude di un polaroid"

gjavât fûr di "La polarizazion de lûs" di Marisa Michelini, Alberto Stefanel

osservazion s.f.
(o-sser-va-zi-on)

[CO] (med.) Control medic permanent di un pazient, in mût di valutâ cun precision la sô evoluzion e di intervignî daurman se al covete

esemplis

"mi vevin fat cuatri misurazions e a volevin che i les cun lour par tignîmi sot osservazion, ma mi sintivi miei"

gjavât fûr di "Kebar krossè" di Stiefin Morat

monolengâl