Hai cercato la parola
monolingue
Torna indietro

monolingue

pâs s.f.
Cundizion di un popul o di un stât che nol è impegnât in conflits armâts
esempi
"lui che al veve fat malvulintîr ancje l'alpin, in timp di pâs e fra lis sôs monts, cumò lu vevin mandât in vuere e ta chês tieris forestis"
da "Cretevierte" di Roberto Ongaro
"o volìn restâ chenti, te nestre tiere, libars di lavorâ, di lâ a scuele, di cjacarâ te nestre lenghe, in pâs cun ducj, cence soldâts, cence casermis"
da "La cjase di Toni" di Tarcisio Venuti
pâs s.f.
Acuardi che al fisse la fin di une vuere
sinonimi
acuardi, compatât, convenzion, pat
esempi
"la Patrie dopo dal 1797 (pâs di Cjampfuarmit) e passà plui voltis de paronance francese (1805-13) a chê austriache (1798-1805, 1813-66)"
da "Storie dal popul furlan" di Gian Carlo Menis
pâs s.f.
Concuardie inte vite e intai rapuarts tra personis
sinonimi
armonie, bon vivi, union
esempi
"mi visi simpri di mê agne Caroline, che e voleve ben a ducj e e meteve la pâs in famee"
da "Faliscjis" di Cristina Noacco
"al jere simpri seren, in pâs cun ducj"
da "Prime di sere" di Carlo Sgorlon
pâs s.f.
Mancjance di pôre, preocupazions, turbaments e v.i. intune persone
sinonimi
calme, cuietece, serenitât
esempi
"e jere stade la prove plui dure [viodi il matrimoni dal fi che al leve mâl], tai agns che si à dibisugne di stâ in pâs cu la vite"
da "Cjase di Dalban" di Maria Forte
pâs s.f.
Situazion che e da sensazions cuietis
sinonimi
cidin, cidinôr, cuiete, calme
esempi
"al alçà i voi e di colp i slusirin ridint lis stelis. Cetantis! Ce pâs in chel cîl seren, cjapiel imens di cheste tiere scure"
da "O sielç lis stelis" di Pieri Somede dai Marcs
pâs s.f.
Moment o situazion li che si pues stâ cence sfadiâ o cence impegnâsi in alc di armonie fra plui personis
sinonimi
calme, polse, padin, respîr
esempi
"(si sint a sunâ, il campanel di cjase) vuê è destinade che no puedi stâ un moment in pâs"
da "Vilie di Nadâl" di Pieri Somede dai Marcs
pâs s.f.
[TS] (lit.) Ogjet sacri di bussâ prime de comunion
esempi
"e sù, ducj in glesie o fûr de puarte grande, a cjapâ la benedizion dal plevan, cu la Pâs"
da "I furlans e lis sagris" di Riedo Pup
"la famose “Pâs dal Duche Ors” ogjet devozionâl preziôs, di avoli e lamine di arint tampiestade di pieris duris, datade tra secul VIII e secul IX"
da "Cividât Museu Archeologjic Nazionâl" di Aministrazion Publiche
proverbi
"cui che al à dongje dal fogolâr pâs e amôr, al è un siôr"
"cui che al à pâs, ligrie e amôr, dongje dal fogolâr al è un siôr"
"cui che al viôt, sint e tâs, al è segn che al vûl vivi in pâs"
"cui che al viôt, sint e tâs, al vûl vivi in pâs"
"in chê cjase che la gjaline e cjante e il gjal al tâs e je pocje pâs"
"la pâs di cjase nol è aur che le pai"
"la pâs e je la mari de bondance"
"la robe e robe la pâs"
"la vitorie e je nemie de vuere, il scomençâ de pâs"
"o vin une ale di pâs e une di salût"
"par vê la pâs in chest mont a vuelin trê robis: une femine par cjase, une passare par vile, une cocule par sac"
"par vê pâs sint e tâs"
"robe mâl cuistade no à ni pâs ni durade"
"robe robade no à ni pâs ni durade"
"Sant Blâs il frêt al fâs la pâs"
"se si mangje e si tâs, si mangje in pâs"
"une pâs par fuarce e je segrete vuere"
"vûstu vê pâs in famee, cusii la lenghe a la femine"
Torna in Cima