Hai cercato la parola
monolingue
Torna indietro

monolingue

paîs s.m.
(pa-îs)
Grup di cjasis e di altris costruzions che nol rive ae grandece di une citât
esempi
"al cirive ancje un lavôr, a Trep o tai paîs li ator, ma ogni volte che al tocjave chel tast, la int e spacave il cjâf"
da "Prime di sere" di Carlo Sgorlon
"a saressin lâts ator pal paîs, e la matine e sarès passade tun lamp, e Barbure e varès savût dut di ducj, parcè che tun paîs no pues sei che cussì"
da "Vivi a Codroip" di Agnul di Spere
paîs s.m.
(pa-îs)
Teritori di une istituzion politiche, in gjenar un stât, o caraterizât de presince di une comunitât nazionâl
sinonimi
stât, patrie
esempi
"mudâ lis economiis dai Paîs dal Sud di economiis di dipendence [...] in economiis autonomis"
da "Guide par un consum just e solidâl" di Buteghe dal Mont, Luche Nazzi
"la Italie, si sa, e je paîs di sants, di poetis, di esploradôrs, di navigadôrs"
da "A Livorno une buse ta la aghe" di Riedo Pup
paîs s.m.
(pa-îs)
[TS] (milit.) Reculte, soldât che al ven di un paîs, in contraposizion cun chei di citât (zerg.)
esempi
"«Ma l'armistizi ce isal?» [...] i paîs come me, sì e no a savevin ce che e jere"
da "Chei de vuere dal '15" di Alan Brusini
proverbi
"al è miôr si brusi un paîs pluitost che si pierdi une usance"
"cuant che il gjat nol è in paîs e fâs fieste la surîs"
"cui che al barate paîs al barate fortune"
"cui che al mude paîs al mude costum"
"dut il mont al è paîs"
"e vâl plui la fieste in famee che no la sagre dal paîs"
"fortunât cui che al à un voli tal paîs dai vuarps"
"in cent agns e cent dîs la aghe a torne ai siei paîs"
"miôr brusâ un paîs che no dismeti une usance"
"nissun profete tal so paîs"
"ogni paîs la sô usance, ogni cjase il so costum"
"se la gjate no je in paîs, a fâs fieste la surîs"
"se la gjate no je in paîs, a fâs sagre la surîs"
"tai paîs dai laris ducj a son galantoms"
"tal paîs dai laris la man su la borse"
"tal paîs dai vuarps al è fortunât chel che al à un voli sôl"
"tal paîs dai vuarps beât cui che al à un voli"
"Tarcint, biel il paîs, triste la int"
Torna in Cima