Tu âs cirût la peraule
monolengâl
torne indaûr

monolengâl

parâ dongje loc.v.
Fâ in mût che plui elements, materiâi o imateriâi, a sedin insiemi o coordenâts o disponibii o creâ un complès formât di plui elements, tocs, parts e v.i. (ancje fig.)
sinonims
dâ dongje, unî, meti dongje, zontâ, riunî, tirâ dongje, tirâ adun, parâ adun, dâ adun, meti insiemi, meti intune, meti adun
esemplis
"siôr Talico al parave dongje i bêçs cu la man, su la taule, si inzenoglave a cjapâ sù chei colâts"
gjavât fûr di "La aghe da pît la cleve" di Dino Virgili
"al cjapà un par un chei bocons, ju parà dongje, ju disponè cun ande ognidun al so puest"
gjavât fûr di "Il Friûl al è nassût cussì" di Josef Cjargnel
"il scjafoiaç al parave dongje nûi; al tarlupave e al tonave che e someave la fin dal mont"
gjavât fûr di "Fûr di timp" di Jolanda Mazzon
parâ dongje loc.v.
Fâ che un discors al sedi curt e incisîf, che al rivi subite a dî ce che al à di dî (ass.)
sinonims
strenzi
esemplis
""Bon, pare dongje" mi sint a dî "che lis robis lungjis a deventin madracs""
gjavât fûr di "Un virus te lidrîs" di Enos Costantin
detulis
"la polente no pare dongje inte grave"
torne sù