Hai cercato la parola
monolingue
Torna indietro

monolingue

parâ sù loc.v.
Fâ che alc al ledi o al stedi sù, ad alt o a Nord o indentri (ancje fig.)
sinonimi
butâ sù, mandâ sù, sburtâ sù
esempi
"il sudôr i spissulave dal cerneli; al parà sù i cjavei cu la man rivoltade"
da "Zuan Prussian e Toni Pagjel" di Bepo Viulin
"e cjapà sù une siringje di une scjatule di açâl poiade sul jet, e parà sù la gusiele te valvule di gome che e unive chê altre, za te vene, a la gomute dal flebo, e e parà dentri planc planchin il sîr"
da "Tal ospedâl" di Amedeo Giacomini
"al puartà dongja i lens e al parà sù un fogaron di grops di faâr alt che li flami a rivavin a lenzi la cjampana da la napa"
da "Barba Fodo e i resonamints" di Novella Cantarutti
parâ sù loc.v.
Dâ dongje e racuei o gjavâ
sinonimi
tirâ sù, cjapâ sù
esempi
"o ai scugnût raspâ la panarie e parâ sù par tiare"
da "La fuiace de Madone" di Catarine Percude
parâ sù loc.v.
Riferît aes bestiis dumiestiis, fâlis jentrâ tal pulinâr, tal cjôt, te stale
esempi
"parâ sù lis gjalinis"
da "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
parâ sù loc.v.
Dal timp o dal aiar, puartâ incà nûi (ancje ass.)
sinonimi
butâ sù
esempi
"e veve cjapât a pet il so ort, cuant che il timp al parave sù jê e stave cul cûr in man par pôre che e vignìs la tampieste a fiscâi dut"
da "Cungjò Friûl" di Jolanda Mazzon
parâ sù loc.v.
Fâ deventâ plui grant di dimension, cuantitât, intensitât e v.i.
sinonimi
aumentâ, cressi, fâ cressi, fâ lâ sù, incressi, rionzi, sglonfâ, slargjâ, tirâ sù
esempi
""A Vignesie no i impuarte nuie di nô furlans…, se nol è di disboscâ o di parânus sù lis tassis...""
da "Strumîrs e Çambarlans" di Alviero Negro
parâ sù loc.v.
Penetrâ te ativitât sessuâl o in gjenerâl fâ ses (coloc.)
esempi
"a cheste ore i saressin za a cjase, a fâ di cene o a parâ sù cu la morose"
da "Metât mecanic" di Renzo Brollo
" Pieri al jere cussì. Un purcit votât a saceâ une fam di purcit. Parâ sù, mangjâ, fâsi viodi, preâ. E dentri di chest, la aviditât, il podê, la invidie, il svindic"
da "Delit in vie del Lavoro" di Igor Londero
Torna in Cima