SuperDizionari

Torna indietro

monolingue

part s.f.

Element di une unitât plui grande

sinonimi

bocon, toc

esempi

"ogni part dal cuarp e jere tumiade e indolentrade"

da "Il muc" di Roberto Ongaro

part s.f.

Part che e corispuint a une cierte cuantitât di un intîr

sinonimi

cuote, frazion, sezion, porzion

esempi

"i Langobarts di solit, cu la leç romane che a vevin lôr, a cjolevin la tierce part dai terens par lôr; chês altris parts lis lassavin a la int"

da "La nestre storie" di Francesc Placerean

"inte ostarie e jentrave e e jesseve tante int e, stant che al jere di sabide, la plui part a jerin zovins"

da "Il sium di Lissandri" di Franca Mainardis

"dopo cenât e dite une part di rosari, il nono al cjapave sù cu lis moletis une bore di fûc, al impiave il so «virgjinie» e al pipave di gust"

da "Il «trono» dal von" di Pieri Menis

part s.f.

Cuantitât di robe di mangjâ, ancje no in relazion a un intîr

sinonimi

razion, porzion

esempi

"un mangjâ calcolât al centesim, mo une partute di formadi zâl, mo une fetute sutile di pan blanc"

da "Storie di Min" di Ivano Urli

part s.f.

Puest, tant che element che al compon un teritori plui grant o ancje tant in relazion a dut il mont, l'univiers e v.i.

sinonimi

lûc, puest, bande, pont

esempi

"o jeri dome un puntinut insignificant di chel flum di int che si jere inviât di ogni part di mont par rivâ fin chi e di chi al jere tornât a inviâsi viers di ogni part di mont"

da "Sant Jacum, là che al finìs il mont" di Antoni Beline

part s.f.

[TS] (agr.) Estension di prât di un privât

esempi

"cuant che a tacavin a seâ li parts grandi dulà che a era tant fen, o a tirâ dongja frutam e a coventava zent"

da "La agna Mariana" di Novella Cantarutti

part s.f.

Complès des batudis e des azions di un personaç che un atôr al interprete intune opare teatrâl, cinematografiche o di prose o ancje intun componiment musicâl

esempi

"Catherine Schell, e veve za vût une piçule part intun episodi de prime serie, interpretant une femine robot che e faseve une brute fin"

da "Spazio 1999" di Checo Tam

"cjantâ il Passio cun lui al jere un spetacul. Al faseve la part de Sinagoghe, che e je la plui curte ma ancje la plui grivie"

da "Pre Pitin" di Antoni Beline

part s.f.

Posizion o azion indreçade a une finalitât o che in ogni câs e à un efiet

sinonimi

funzion

esempi

"inte fondazion de Radio e à vude la sô part impuartante Democrazie Proletarie dal Friûl"

da "Memoriis di politiche linguistiche" di Adrian Cescje

"o scomençai a sintî par Jole une tenarece pietose, e a pensâ che aromai tra di nô lis parts si jerin ribaltadis"

da "Il dolfin" di Carlo Sgorlon

part s.f.

Ognidun dai grups, des fazions, des ideis, des posizions e v.i. intun confront, concors, conflit e v.i.

esempi

"ator ator di ognidune des cuatri ideis, la Cravuazie e viodeve chei agns dâsi dongje la sô int slambrade in cuatri parts"

da "Storie di Min" di Ivano Urli

part s.f.

[TS] (dir.) Cui che al fâs un contrat o un acuardi cualsisei cun cdn. altri

esempi

"tratativis jenfri il Ream Unît e la Union Europeane (UE) par sierâ cuntun acuardi la Brexit e par imbastî relazions di sest tra lis dôs parts pal avignî"

da "Ream Unît, Johnson al vûl il "No Deal" e in Scozie e in Gales e cres la voie di indipendence" di Marc Stolf

proverbi

"ancje il voli al vûl la sô part"

"cuant che no si sta su la art, si piert la part"

"cui che al à art al à part"

"cul art e cul ingjan si vîf nome mieç an, cul ingjan e cul art si vîf chê altre part"

"la falsetât e à il tabâr curt, par tant che e ciri di taponâsi, i reste simpri cualchi part scuvierte"

Torna in Cima