SuperDizionari

partecipâ v.intr.
(par-te-ci-pâ)

Intervignî intune ativitât puartade indenant di plui personis

sinonims

intervignî, jentrâ a part, vê part

esemplis

"o soi stât un dai nûf fondadôrs di «In uaite» cun Mauro Tosoni e o ai partecipât a lis manifestazions di chei agns"

gjavât fûr di "Interviste a Amato De Monte" di Christian Romanin

Viôt ancje: participâ

partecipâ v.intr.
(par-te-ci-pâ)

Cjapâ part ative, colaborâ, dâ un contribût

sinonims

concori, dâ une man, impegnâsi, meti man, vê man, vê part, colaborâ, contribuî

esemplis

"Mi veve butade li une mieze propueste di partecipâ ae preparazion di une golaine di libris su lis minorancis di Italie"

gjavât fûr di "Memoriis di politiche linguistiche" di Adrian Cescje

"cu la L.R. 3 dal 2002 ancje la regjon e à partecipât cuntun supuart impuartant al finanziament aes scuelis"

gjavât fûr di "Efiets economics e ocupazionâi des leçs di tutele de lenghe furlane" di Sandri Carrozzo

partecipâ v.intr.
(par-te-ci-pâ)

Vê part, insiemi cun altris, di un dirit, di un onôr, di un benefici, di une cundizion e v.i.

sinonims

cjapâ part, gjoldi, lucrâ, vê part

esemplis

"i contadins, adun cui citadins, si distacarin [dai Stâts Provinciâi de Contee] te sperance di vignî vie di tribûts masse onerôs. Cussì a pierderin il dirit di partecipâ ae distribuzion des tassis publichis"

gjavât fûr di "Autonomie tal Friûl austriac" di Ferruccio Tassin

"o partecipìn de sô vite, de sô muart e de sô resurezion [di Crist]"

gjavât fûr di "Crist resurît al colme dute la sperance dal om" di Francesc Placerean

partecipâ v.intr., v.tr.
(par-te-ci-pâ)

Fâ savê

sinonims

meti a part, fâ part, dâ part, comunicâ

esemplis

"lu passai [il regjistri] di insom fin da pît trê voltis prin che il zovin impleât, cence cjalâmi tai voi, mi partecipàs che e jere ore di sierâ"

gjavât fûr di "Il solt di Arlunc" di Gianluca Franco

monolengâl