SuperDizionari

parturî v.tr.
(par-tu-rî)

Di femine o di animâl di ses feminin, dâ in lûs un frut o un piçul (ancje ass.)

sinonimi

dâ a lûs, dâ in lûs, disgravâsi, fiâ, fiolâ, parî, prolî, fâ

esempi

"Lise e veve parturît Titute, un frutìn che al jere une rose, san e biel, svearin come un luiar"

da "Chei di Muraie" di Pieri Menis

parturî v.tr.
(par-tu-rî)

Di lûc, jessi chel di origjin di cdn. o di alc (fig.)

esempi

"a son rivâts fint al confin dal mont [...] par vuadagnâsi un pan stentât e insigûr, cu la prospetive di no podê tornâ nancje di muarts a polsâ in chê tiere che ju veve parturîts"

da "Sant Jacum, là che al finìs il mont" di Antoni Beline

parturî v.tr.
(par-tu-rî)

Creâ, produsi cul cjâf, cul talent (fig.)

sinonimi

creâ, ideâ, petâ, produsi

esempi

"culì no si trate plui di parturî bielis ideis implantadis par aiar, si trate di tradusilis in disposizions precisis"

da "Fûr cui che i tocje" di Josef Marchet

parturî v.tr.
(par-tu-rî)

Lâ dal cuarp (fig.)

sinonimi

cagâ, cjiâ, lâ dal cuarp

esempi

"al jere impegnât a parturî tal cabôt dongje dal ledanâr"

da "Sense" di Checo Tam

monolingue