SuperDizionari

monolengâl

passût adi., s.m.
(pa-ssût)

Che, cui che al à mangjât fin avonde o ancje plui che avonde

sinonims

saceât, suplît, sazi, plen

esemplis

"pre Nocent, passût, al ronceuce distirât te poltroncine di vencs e jo, par parâ vie la smare, o ordeni ancjemò un grant di bire scure"

gjavât fûr di "Viaç a Vignesie" di Arturo Feruglio

"in cuindis o vincj agn [di vite dal mus], mai une ore di padin, mai une grampe di meniche, mai une volte di mangjâ passût"

gjavât fûr di "Lis predicjis dal muini" di Josef Marchet

passût adi., s.m.
(pa-ssût)

Che, cui che al à lis formis bondantis e grassis di cui che al mangje simpri bondant

esemplis

"siôr Agnul, passût di muse e gjubiâl, si tignive strente chê fie che e jere la lûs dai siei voi"

gjavât fûr di "Cjase di Dalban" di Maria Forte

passût adi.
(pa-ssût)

Che a 'nd à vût plui che avonde di alc, che nol sopuarte plui alc (fig.)

sinonims

sglonf, stuf, suplît

esemplis

""Benon, o soi content ancje jo!" al disè il fantat che al jere aromai passût di chê gjile"

gjavât fûr di "Cretevierte" di Roberto Ongaro

"mai no si jere sintût cussì ingomeât, cussì passût di dut, de sô solite vite di ogni dì"

gjavât fûr di "Aiar di cjase" di Franca Mainardis

passût adi., s.m.
(pa-ssût)

Che, cui che al gjolt tal benstâ, che al à bêçs, robis, che no i mancje nuie di ce che i pues coventâ (fig.)

esemplis

"Dorine di Luche e vignive di une famee passude e no di contadins"

gjavât fûr di "Chei di Muraie" di Pieri Menis

"so pari al è un bacan passût che salacor nol sa nancje cetante robe che al à tal soreli"

gjavât fûr di "Lis predicjis dal muini" di Josef Marchet

"no àn mai domandât o pratindût, ma simpri cjapât i vanzums che une societât passude, egoiste e classiste ur passave"

gjavât fûr di "La globalizazion de sensibilitât" di Antoni Beline

detulis

"ai passûts ancje la mîl ur pâr amare"

"cuarp passût, anime consolade"

"daspò mangjât e bevût, une prese di tabac e ten passût"

"daspò mangjât e bevût, une prese e ten passût"

"i passûts a crodin che no ur vegni plui fam"

"il passût al crôt che no i vegni mai plui fam"

"il passût no i crôt al zun ni il san al malât"

"il puar al mûr passût, il siôr di fam, il predi di frêt"

"la 'save no je mai passude"

"passûts che si è, nissun nol ven a viodi ce che si à te panze"

torne sù