SuperDizionari

monolingue

passût adi., s.m.
(pa-ssût)

Che, cui che al à mangjât fin avonde o ancje plui che avonde

sinonimi

saceât, suplît, sazi, plen

esempi

"pre Nocent, passût, al ronceuce distirât te poltroncine di vencs e jo, par parâ vie la smare, o ordeni ancjemò un grant di bire scure"

da "Viaç a Vignesie" di Arturo Feruglio

"in cuindis o vincj agn [di vite dal mus], mai une ore di padin, mai une grampe di meniche, mai une volte di mangjâ passût"

da "Lis predicjis dal muini" di Josef Marchet

passût adi., s.m.
(pa-ssût)

Che, cui che al à lis formis bondantis e grassis di cui che al mangje simpri bondant

esempi

"siôr Agnul, passût di muse e gjubiâl, si tignive strente chê fie che e jere la lûs dai siei voi"

da "Cjase di Dalban" di Maria Forte

passût adi.
(pa-ssût)

Che a 'nd à vût plui che avonde di alc, che nol sopuarte plui alc (fig.)

sinonimi

sglonf, stuf, suplît

esempi

""Benon, o soi content ancje jo!" al disè il fantat che al jere aromai passût di chê gjile"

da "Cretevierte" di Roberto Ongaro

"mai no si jere sintût cussì ingomeât, cussì passût di dut, de sô solite vite di ogni dì"

da "Aiar di cjase" di Franca Mainardis

passût adi., s.m.
(pa-ssût)

Che, cui che al gjolt tal benstâ, che al à bêçs, robis, che no i mancje nuie di ce che i pues coventâ (fig.)

esempi

"Dorine di Luche e vignive di une famee passude e no di contadins"

da "Chei di Muraie" di Pieri Menis

"so pari al è un bacan passût che salacor nol sa nancje cetante robe che al à tal soreli"

da "Lis predicjis dal muini" di Josef Marchet

"no àn mai domandât o pratindût, ma simpri cjapât i vanzums che une societât passude, egoiste e classiste ur passave"

da "La globalizazion de sensibilitât" di Antoni Beline

proverbi

"ai passûts ancje la mîl ur pâr amare"

"cuarp passût, anime consolade"

"daspò mangjât e bevût, une prese di tabac e ten passût"

"daspò mangjât e bevût, une prese e ten passût"

"i passûts a crodin che no ur vegni plui fam"

"il passût al crôt che no i vegni mai plui fam"

"il passût no i crôt al zun ni il san al malât"

"il puar al mûr passût, il siôr di fam, il predi di frêt"

"la 'save no je mai passude"

"passûts che si è, nissun nol ven a viodi ce che si à te panze"

Torna in Cima