Hai cercato la parola
monolingue
Torna indietro

monolingue

patî v.tr., v.intr.
(pa-tî)
Stâ mâl e sopuartâ cun soference, sedi tal fisic che tal spirt
sinonimi
sufrî, penâ, sopuartâ
esempi
"ancje i Clevis a jerin umign e sogjets a patî e a murî, come ducj"
da "La aghe da pît la cleve" di Dino Virgili
"patî cjalt e freit e dutis li tempiestis dal seil, al è il nustri distin"
da "I Turcs tal Friûl" di Pier Paolo Pasolini
patî v.intr., v.tr.
(pa-tî)
Vê une malatie, un probleme di salût, un sintom e v.i.
sinonimi
vê
esempi
"e rivà de Basse une sô gnece par judâ la agne che e pative di venis tune gjambe"
da "Il tei" di Maria Forte
"[tal bastiment] a 'ndi jere di malâts, di spaventâts, feminis incintis e la maiorance, sbalotade cussì, e pative il mâl di mâr"
da "Chei di Muraie" di Pieri Menis
patî v.intr., v.tr.
(pa-tî)
Vê dams, lâ in piês come cundizions
esempi
"si jere visât che lis rosutis a pativin, e che cul lôr cjavut bandonât a domandavin di bevi"
da "La liende dal riûl" di Franca Mainardis
"cheste [largje fasse di planure] e jere la part de Furlanie che veve patît di plui par vie dai Ongjars: si viôt che in chei sîts al veve di sei restât dibot un desert"
da "Cuintristorie dal Friûl fin sot la Italie" di Josef Marchet
"plovisine, bagne bagne, / e ti spiete la viole / che e à patît un pôc di sut"
da "La plovisine" di Pieri Çorut
patî v.tr.
(pa-tî)
Sintî i efiets di alc
sinonimi
sintî
esempi
"daspò de sburtade de concorence orientâl, il setôr de industrie seriche al patì modifichis profondis in Italie"
da "Memoriis di politiche linguistiche" di Adrian Cescje
"lis sôs contis e liendis [di Catarine Percude] a patissin un pôc dal program votcentesc di difondi tra lis popolazions urbanis e rurâls une leterature cun finalitâts educativis e patriotichis"
da "Leterature furlane" di Cristina Cescutti
proverbi
"cent patìs par un"
"cui che al mûr al finìs di patî"
"cui che al patis al capìs"
"cui che al sa patî al sa ancje vivi"
"di chel mâl che si patìs, si perìs"
"dulà che no je femine il puar al patìs"
"gjoldi simpri fin che si po, no i mancje mai timp al patî"
"la cjase o la parone e scuen patî"
"miôr patî in compagnie che no di bessôi"
"o la cjase o la parone e scuen patî"
"se la lenghe e tâs, la panze e patìs"
"spes l'inocent al patìs pal pecjadôr"
"tasê, lavorâ, patî, preâ"
"vivi trop al è patî trop"
Torna in Cima