Tu âs cirût la peraule
monolengâl
torne indaûr

monolengâl

pazience s.f.
(pa-zi-en-ce)
Capacitât di adatâsi sopuartant, di no rabiâsi, di no sustâsi, di spietâ e v.i.
esemplis
"par rivâ a capî l'argoment, e covente un pocje di pazience e di buine volontât de bande di cui che al lei"
gjavât fûr di "Il cjâf dai furlans" di Franc Fari
"la concuiste de grafie unitarie normalizade dal 1986 mi è costade une fadie infinide di mediazions, di diplomazie e di pazience"
gjavât fûr di "Memoriis di politiche linguistiche" di Adrian Cescje
"no saveve ni lei, ni scrivi parcè che la mestre no veve vût la pazience di insegnâi"
gjavât fûr di "Nardon e Vigjute di Nani" di Pieri Somede dai Marcs
Viôt ancje: pazienzie
pazience s.f.
(pa-zi-en-ce)
Capacitât di fâ lis robis cun calme, cence sacrificâ la precision pe presse
sinonims
cure, curie
esemplis
"Pieri al meteve vie ogni robute tal so puest cu la pazience di un oresin"
gjavât fûr di "Il bal spasimât des ombrenis" di Maria Forte
pazience inter.
(pa-zi-en-ce)
Tant che esortazion, par se stes o par altris, a rassegnâsi, a cjapâ lis robis cence rabiâsi, cence dâur masse impuartance
sinonims
amen
esemplis
"pazience! No jere la prime volte che nol cjatave nissun disponût a scoltâlu"
gjavât fûr di "Aiar di cjase" di Franca Mainardis
"ju veve cjapâts [i reumatics] là dentri [in preson], e cumò al scugnive tignîsai fintremai che al viveve. Pazience. Tancj a la sô etât a jerin plui malmetûts di lui"
gjavât fûr di "Prime di sere" di Carlo Sgorlon
pazience s.f.
(pa-zi-en-ce)
[TS] (religj.) Imagjin sacre di picjâ tor dal cuel
sinonims
abitin
esemplis
"si notin in dutis lis fraternis, a spindin bêçs a comprâsi medaiis, paziencis e coronis di rosari"
gjavât fûr di "Lis predicjis dal muini" di Josef Marchet
"di Pasche e di Nadâl / al fâs la sô confession gjenerâl / cjariât di agnusdei e di paziencis / l'è simpri in zîr a cjapâ sù indulgjencis"
gjavât fûr di "Il bon a so mût" di Pieri Çorut
pazience s.f.
(pa-zi-en-ce)
[TS] (religj.) Part dal vistît doprât di cualchi ordin religjôs, massime i Carmelitans, tant che une cuete lungje cence maniis
detulis
"al marît prudence, a la femine pazience"
"cu la pazience il pedoli al à fat il zîr dal mont"
"cu la pazience si è maridât un frari e tal doman al è deventât un lari"
"cu la pazience si fâs dut"
"cu la pazience si maride un frari"
"la pazience e je la virtût dal mus"
"la pazience e je une grant virtût"
"rispiet pai viei, pazience cui mats e sopuartâ lis malis lenghis"
torne sù