SuperDizionari

pendâ v.intr.
(pen-dâ)

No stâ in ecuilibri o no stâ dret, tindi a colâ o a lâ di une bande

esemplis

"i menaus, che a stazavin cul voli savût, il pendâ dal len, a scjamparin lontan e il peç, come rassegnât al so destin, dopo un ultin rezisi impins, come di creature che e vûl resisti, al spacà i leams e si butà dut di une bande"

gjavât fûr di "La tiere di Lansing" di Maria Forte

pendâ v.intr.
(pen-dâ)

Vê une cierte tindince o jessi a favôr o disponibil o puartât par alc (fig.)

sinonims

jessi, propendi, trai, butâ, tirâ

esemplis

"chel plevan li, lu vevin sintût a dî che, se al ves comandât lui, nol sarès lât nancje a benedî là che a insegnavin a doprâ armis par copâ. E daûr dal plevan, e jere un pôc dute la parochie che e pendave di chê bande"

gjavât fûr di "I furlans e lis armis" di Riedo Pup

pendâ v.intr.
(pen-dâ)

Jessi picjât, o tignût sù, o tignût dome di une bande, ancje movintsi

sinonims

pendolâ, pindulâ, vignî jù

esemplis

"la Carla e veve decidût: une cotulone sglonfe, cu la pedane di colôr discompagn, il cas setât su la vite, un grumâl di sede rose e grancj ricjins di aur a pendâ su lis spalis"

gjavât fûr di "Cjase di Dalban" di Maria Forte

"[la viole] adès a penda amara / da chei lavris di meil"

gjavât fûr di "I doi miracui" di Pier Paolo Pasolini

monolengâl