SuperDizionari

pendolâ v.intr.
(pen-do-lâ)

Jessi picjât o vincolât e movisi un pôc di une bande e di une altre, soredut par efiet dal aiar o pe inerzie

sinonims

niçulâ, niçulâsi

esemplis

"une vielute dute gobe e jere rivade dongje cui podins che a pendolavin dal buinç"

gjavât fûr di "Îr e doman" di Gianni Gregoricchio

Viôt ancje: pindulâ

pendolâ v.intr.
(pen-do-lâ)

Stâ tun puest o lâ ator cence fâ nuie, cence cumbinâ o cence rivâ insom di nuie (fig.)

sinonims

remenâsi, pendolâsi

esemplis

"[cualchi siôr] l'à grancj cjamps lassâts in abandon, / che fuars fuars e nol sa dulà che son; / e intant al sta in citât a pendolâ / parcè che in vile lui nol sa ce fâ"

gjavât fûr di "Il Strolic mezan pronostic par l'an 1856" di Pieri Çorut

pendolâ v.intr.
(pen-do-lâ)

Jessi malsigûr tra plui tindincis, lâ indevant cence sigurece (fig.)

sinonims

bagolâ, cloteâ, clupignâ, niçâ, triculâ, esitâ, vagolâ

esemplis

"lis personalitâts grandis e piçulis de politiche uficiâl no àn savût fâ nuie altri che pendolâ di ca e di là tant che musets picjâts te stangje"

gjavât fûr di "Di bessôi" di Josef Marchet

pendolâ v.intr.
(pen-do-lâ)

Vê une cierte inclinazion o preference (fig.)

esemplis

"di gno nono Berto jo mi visi la tenarece. Tra me e i miei fradis, lui al pendolave de mê bande"

gjavât fûr di "Trê feminis" di Gianni Gregoricchio

pendolâ v.intr.
(pen-do-lâ)

Jessi li li par pierdi l'ecuilibri, cul pericul di colâ

sinonims

bagolâ, cloteâ, clupignâ, niçâ, scantinâ, triculâ, zighiâ, dandanâ, balâ

esemplis

"i mole, sence tancj compliments, un papin cui flocs, di chei cui bregons di fieste, in sumis. Dopo la bulade al ziruche, parcè che el sfuarç lu à fat pendolâ , e al bacane, beât"

gjavât fûr di "I stivâi di Zuan Batiste" di Arturo Feruglio

"Madin al sburtà indentri de taule la scudiele, al jevà sù pendolant e al jessì tal curtîl"

gjavât fûr di "Come tornâ fruts" di Dino Virgili

pendolâ v.intr.
(pen-do-lâ)

Pierdi fuarce e salût (fig.)

esemplis

"tantis [presoneris] a pendolin a Buchenwald di une robe o chê altre, e massime di riscjalt dai budiei"

gjavât fûr di "Storie di Vera" di Ivano Urli

"la anime si inflapìs e e pendole come une plante cence aghe"

gjavât fûr di "Sant Jacum, là che al finìs il mont" di Antoni Beline

monolengâl