Hai cercato la parola
monolingue
Torna indietro

monolingue

petâ v.tr.
(pe-tâ)
Cun sens une vore larc, fâ une azion che e compuarte un impuls, un efiet, un impat, une esplosion, une emission o sim.
esempi
"Min al petà un salt jù dal jet e jù di corse pes scjalis"
da "Aiar de Basse" di Alviero Negro
"di frut, a pît, cuant che al rivave alì, al petave simpri une scorsete par rivâ svelt là di là"
da "La tiere di Lansing" di Maria Forte
"ca un pôc un scorpion / mi à petât un becon"
da "Raspadicis pal Strolic furlan del an 1859" di Pieri Çorut
"al petà un berli, e al colà jù devant daûr"
da "Il matescul di Cjabie" di Luigi Gortani
"si divertivin a petâ une ridade cui amîs"
da "La Madalene" di Zuan Lurinçon
petâ v.intr.
(pe-tâ)
Lâ a finî, soredut cun ciertis consecuencis (ancje fig.)
sinonimi
dâ, bati, pocâ, çocâ, lâ, finî
esempi
"un aiar trement che al jentrave par une lastre rote e che mi petave juste intune orele"
da "A Aquilee" di Pieri Somede dai Marcs
"il soreli si sbassave daûr lis polessis altis là vie e al petave ca a stris su lis viis de jarbe seade"
da "La massarie" di Dino Virgili
"a bevin masse e il vin ur pete tal cjâf e ur fâs straviodi"
da "La cjase" di Alviero Negro
petâ v.intr.
(pe-tâ)
Dâ pachis
sinonimi
dâ, dâ jù, legnâ, pestâ, pacâ
esempi
"«Alore tu sarâs tu a cjapâlis.» «Mê mari no mi pete mai [...]»"
da "Il dolfin" di Carlo Sgorlon
"cuant che lu coionavin o lu tiravin a ciment, ur coreve daûr e ur petave di lassâju frêts"
da "Pre Pitin" di Antoni Beline
petâ v.intr.
(pe-tâ)
Someâ just, bon, convenient, comut e v.i.
sinonimi
pocâ, comodâ, lâ, smecâ
esempi
"a scrivin ancjemò in mil varietâts di furlan e in antantis grafiis diferentis, come che ur pete"
da "Memoriis di politiche linguistiche" di Adrian Cescje
proverbi
"a chel de barete nissun no je pete"
"cuant che la joibe il soreli al va tal sac, no ven domenie che nol peti un vuac"
"il mont al è fat a scarpete: se al po te pete"
Torna in Cima