Tu âs cirût la peraule
monolengâl
torne indaûr

monolengâl

pic s.m.
Forme o struture a ponte, part di alc li che si zontin dôs bandis o part estreme di alc
sinonims
piche, ponte, spiç, spice, cjanton
esemplis
"[il barbîr] i ficjave tal golâr i pics dal suieman"
gjavât fûr di "Delchi" di Gianni Gregoricchio
"suspîrs, e forsit cualchi lagrime, suiade di scuindon tal pic dal grumâl"
gjavât fûr di "Il sium di Lissandri" di Franca Mainardis
"al poià la tace sul pic de taule"
gjavât fûr di "La aghe da pît la cleve" di Dino Virgili
pic s.m.
Part plui alte di un rilêf, soredut di une mont, ancje in oronims o microtoponims
sinonims
cuc, piche, cime, spiç, spice, çuc
esemplis
"un fregul di blancôr al vignì sù dai pics indarintâts des monts"
gjavât fûr di "La letare de mame" di Pieri Somede dai Marcs
"a si jodeva la Miduna slargjâsi e deventâ fonda sot il pic di Grimau"
gjavât fûr di "Il Bolp" di Novella Cantarutti
pic s.m.
Pont plui alt o intens o favorevul di un fenomen (fig.)
sinonims
colm, colme, piche, spice
esemplis
"il regjim pluviometric al mostre di norme doi pics stagjonâi"
gjavât fûr di "La mont furlane" di Mauro Pascolini, Andrea Guaran
pic s.m.
Ognidune des formis vegjetativis che a componin la corone di une rose intor dai orghins de riproduzion
esemplis
"Norine e cjapà sù une margarite par contâi i pics"
gjavât fûr di "La crete che no vai" di Domeni Zannier
"lis piçulis rosis blancjis e rose [dal ruscli] a àn sîs pics"
gjavât fûr di "Jerbis salvadiis inte cusine furlane" di Giorgio Pascoli
pic s.m.
Ognidun dai ponts di li che e nas une part vegjetâl gnove tun tubar o sim.
sinonims
voli, picot
esemplis
"i pics des patatis"
gjavât fûr di "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
pic s.m.
Spec. tal pl., contrazion de piel, par vie di sgrisui di frêt, di emozion o sim., che e fâs in maniere che la piel e dedi sù in piçui rilêfs in corispondence dai pêi
esemplis
"joisus mari, ce che al sucedè ta chê gnot! Mi vegnin i pics nome a pensâ!"
gjavât fûr di "La liende di Fondâs" di Josef Cjargnel
pic s.m.
Imprest fat di un mani fuart e lunc cun insom un fier, spiçât di une bande o di dutis dôs lis bandis, doprât par rompi materiâl tant che tiere, cret e altri
sinonims
picon
esemplis
"a nal saveva fâ âtri misteir di chel da manezâ pic e maçuela par mandâ a tocs crets di masegn"
gjavât fûr di "Il maestri di teraçs" di Novella Cantarutti
pic s.m.
[TS] (ornit.com.) Non des speciis di uciei de famee dai Sitidis e dai Picidis, caraterizadis di un bec fuart e spiçât che pal solit a doprin par sbusâ len e cirî di mangjâ insets xilofacs
esemplis
"restâ inmagât di dut chel vert, dai pics che a batin il timp, i sghirats che ti corin dongje o des badasculis"
gjavât fûr di "Soreli jevât a mont" di Raffaele Serafini
"sintî il pic tal bosc, cuant che al fore un len par cirî il viar"
gjavât fûr di "Lis predicjis dal muini" di Josef Marchet
pic s.m.
[TS] (entom.com.) Non comun di plui coleotars de famee dai Curculionidis, caraterizâts de presince di un bec lunc
detulis
"cui che al mangje cjar di pic nol devente ric"
"pic pic, il taiepiere nol deventarà mai ric: finît di picâ, finît di mangjâ"
torne sù