Hai cercato la parola
monolingue
Torna indietro

monolingue

pierdisi vie loc.v.
Deventâ a man a man mancul fuart, sparî a man a man
sinonimi
bonâsi, calâ, pierdisi, lâ al mancul, lâ in nuie, sfantâsi, sparî
esempi
"si sintive i pas des çuculis a rimbombâ come colps batûts su cassis vueidis che si pierdevin vie subit pai rivâi e tes cisis neris"
da "Il pignarûl" di Pieri Menis
pierdisi vie loc.v.
Lâ vie, fin a no jessi plui viodût
sinonimi
lâ vie, slontanâsi, sparî
esempi
"nol spietà trop. Cualchi pas in vuaite e subit dopo une figure che e jes fûr in presse si piert vie pe gnot"
da "Nadâl ancje par Gjelmin" di Pieri Menis
pierdisi vie loc.v.
Pierdi concentrazion, lant cul pinsîr daûr di fantasiis o ancje cence pensâ a nuie, ancje fin a indurmidîsi o a lâ in svaniment
esempi
"insentade sui scjalins denant de puarte, e si pierdeve vie a cjalâ fis denant di se, cu la gusiele ferme te man"
da "Dome la cjampanute di Sant Bortul" di Maria Forte
"mi fermai e mi pierdei vie. «Ce fâstu culì, macaco?» Mi jeri indurmidît tal cuchil"
da "Il burlaç" di Pieri Menis
pierdisi vie loc.v.
Passâ il timp dibant o in divertiments
esempi
"e rideve tal soreli e si piardeve vie daûr des rosis tal zardin"
da "La aghe da pît la cleve" di Dino Virgili
"il Nino al zuiave cun La Rovente, la scuadre di balon dal Sante Marie e alore, la domenie, dopo zuiât si pierdeve vie cui amîs de scuadre tornant dongje a straoris"
da "Veruska" di Ivano Urli
Torna in Cima