SuperDizionari

monolingue

pietât s.f.
(pi-e-tât)

Sintiment o sensazion di partecipazion ae soference di cdn. altri

sinonimi

pene, dûl, compassion

esempi

"cumò ce jerial? … salacor nome pietât par chê puare femine tant disgraciade"

da "Sul agâr" di Pieri Menis

""Ti àn cjapât par pietât, parcè che tu jeris un muart di fam, e tu tu ur ruvinis i imprescj!""

da "Prime di sere" di Carlo Sgorlon

pietât s.f.
(pi-e-tât)

Sintiment di devozion religjose, di rispiet de leç divine

esempi

"i timps a son gambiâts e la sensibilitât e la pietât de int e je lade modificantsi"

da "Une arcje clamade Friûl" di Antoni Beline

pietât s.f.
(pi-e-tât)

[TS] (art) Opare di art che e rapresente la Madone cun Crist muart tal so grim

esempi

"une Pietât le podin viodi ancjemò su di un altâr in Cjargne te plêf di S. Florean a Dieç"

da "Storie de art in Friûl" di Bepi Agostinis

proverbi

"dulà che no je pietât no je felicitât"

Torna in Cima