SuperDizionari

pitost av.
(pi-tost)

Par formâ o rinfuarçâ une aversative, une oposizion, une alternative

sinonims

invezit, anzit, ben

esemplis

"intant lis robis no cambiavin. Pitost a levin simpri piês"

gjavât fûr di "Alpin jo mame!" di Alan Brusini

"l'Ariul nol jere plui il passetimp limpi di simpri, ma pitost une scuindarole pes baronadis, pes clapadariis cuintri chei che a passavin sul puint"

gjavât fûr di "La aghe dal Ariul" di Maria Forte

Viôt ancje: pluitost

pitost av.
(pi-tost)

Par formâ costruzions comparativis di maiorance

sinonims

plui

esemplis

"il guvier regjonâl, secont l'ordenament normâl, che nus vignarès dât, al è pitost un intric di plui che no un vantaç"

gjavât fûr di "Votazions regjonâls" di Josef Marchet

pitost av.
(pi-tost)

Intune cierte misure, cuantitât, maniere

sinonims

avonde, plui o mancul

esemplis

"si contavin cualchi barzalete o cualchi storie pitost grassote"

gjavât fûr di "La Madalene" di Zuan Lurinçon

monolengâl