SuperDizionari

piture s.f.
(pi-tu-re)

Art di rapresentâ cun liniis e colôrs

esempi

"da prinzipi favelavin di pitura. Il diau spiegava tantis cognizions in chista materia, che il pitôr stava sintîlu cu la bocja aviarta e gji contemplava la barba crodint di vê davant di se un Leonardo da Vinzi"

da "Il diau sul Studeniz" di Giovanni Luigi Filli

piture s.f.
(pi-tu-re)

Complès des oparis pitorichis e stîl o maniere di piturâ di un timp o di un paîs, di une scuele o di un autôr e v.i.

esempi

"il Pordenon al à condizionât cu la sô grandece e cul so talent la piture furlane dal rinassiment"

da "Storie de art in Friûl" di Bepi Agostinis

"la piture di siôr Dree e jere une piture che, a la scuele di Parigji, a la sô ligrie di colôrs, al so romantic sotfont e misturave la passion che ogni furlan al à pe sô tiere"

da "Cretevierte" di Roberto Ongaro

piture s.f.
(pi-tu-re)

Singule opare pitoriche

esempi

"sot de loze dal vecjo municipi a jerin bielis pituris di cinccent agns indaûr"

da "Lis leiendis di Buie" di Pieri Menis

"[Giuseppe Zigaina] al presente tes sôs pituris une nature traviersade da presintiments misteriôs"

da "Storie de art in Friûl" di Bepi Agostinis

piture s.f.
(pi-tu-re)

Descrizion une vore marcade e rapresentative (fig.)

esempi

"une piture comovente di une des partencis e rive de pene dal scritôr triestin Giani Stuparich, intun articul dal “Corriere di Trieste” dal Avost dal 1955"

da "La emigrazion in Australie dal Friûl - Vignesie Julie" di Francesco Fait

"za al anunzie gloriôs ae compagnie / del salam la vignude par pospast / salam scuisît che si po dai del vô, / salam... ma ecolo in taule in statu quo. / Ven la aghe in bocje a ducj i comensâi / nel sintî ste vivissime piture"

da "Il salam di siôr Tomâs" di Pieri Çorut

piture s.f.
(pi-tu-re)

Sostance doprade par colorâ une superficie

sinonimi

colôr, vernîs

esempi

"un seglot di piture blancje"

monolingue