SuperDizionari

plante s.f.
(plan-te)

Cualsisei organisim vegjetâl che al à lidrîs, fust, fueis

esemplis

"ce biel che al è il mont!… Biel par ducj: umign, bestiis e plantis! … E dut al vîf ben te sô forme juste"

gjavât fûr di "La tiere di Lansing" di Maria Forte

"i grîs a ingrandivin la campagne viers la planure, la tiere e lis plantis a mandavin un bonodôr che Mirco nol veve mai sintût prime di cumò"

gjavât fûr di "Par stradis lungjis" di Alan Brusini

"a ôr de strade doi cjamps di blave cun plantis altis come oms"

gjavât fûr di "La codebuie" di Checo Tam

plante s.f.
(plan-te)

Origjin e nature etniche, culturâl, linguistiche e v.i. (fig.)

sinonims

implant, nature, naturâl, caratar, lidrîs, çocje, çoc

esemplis

"o vevin cjatade la fate di metisi dacuardi cun todescs e cun sclâfs, di lavorâ e di tratâ cun lôr, cence rineâ o tradî ni pôc ni trop la nestre plante, il nestri spirt, la nestre lenghe, il nestri costum furlan"

gjavât fûr di "No si à di judicâ il passât cu la mentalitât di cumò" di Josef Marchet

plante s.f.
(plan-te)

Teren o filâr di ciertis speciis, in particolâr vîts, pôi o morârs

sinonims

implant, plantision, culture, planton, filâr

esemplis

"al cjapà un troi plen di claps e di busis glaçadis. Di ca e di là a corevin dôs plantis di morârs cui ramaçs çoncjâts fin sul çoc"

gjavât fûr di "Prime di sere" di Carlo Sgorlon

"là pa li planti la uva a sglova i revoi"

gjavât fûr di "Paron Salvadi" di Novella Cantarutti

plante s.f.
(plan-te)

Cuantitât di verzis, capûs e v.i. nassûts in vivâr e di meti tal cjamp

esemplis

"o ai comprât in place un pocje di plante di meti tal ort"

gjavât fûr di "Il Nuovo Pirona" di Giulio Andrea Pirona, Ercole Carletti, Giovanni Battista Corgnali

plante s.f.
(plan-te)

Rapresentazion grafiche, in scjale o aprossimative, di un puest, in particolâr di une costruzion o di un ambient, in câs ancje cui detais des robis cemût che a son disponudis dentri

sinonims

mape, cjarte

esemplis

"il tenent nus mande a dî che i ocor une plante, un dissen dal lager di Are"

gjavât fûr di "Amîs come prime" di Alan Brusini

monolengâl