Hai cercato la parola
monolingue
Torna indietro

monolingue

platâ v.tr.
(pla-tâ)
Meti o tignî alc o cdn. tun puest dulà che altris no puedin cjatâlu
sinonimi
rimplatâ, sclupî, scuindi, strafuî, taponâ, cuvierzi, nascuindi, parâ sot
esempi
"e veve puartade le cassefuart dai cugnâts, platant la clâf che nissun al saveve dulà"
da "Chei di Muraie" di Pieri Menis
"no no no, alore gno fi ultin lu plati… no lu mandi a murî… al à sedis agn"
da "Il testemoni" di Checo Tam
platâ v.tr.
(pla-tâ)
Meti alc tun puest sigûr o sot di alc, par che nol ledi pierdût, no si ruvini e sim.
sinonimi
meti vie, taponâ
esempi
"ur veve platât dafonts de valîs trê fueutis di ulîf benedît"
da "La aghe da pît la cleve" di Dino Virgili
platâ v.tr.
(pla-tâ)
Tignî segret, no fâ savê, no fâ capî
sinonimi
rimplatâ, sclupî, scuindi, strafuî, taponâ, cuvierzi, nascuindi, parâ sot
esempi
"Nita… tu… no tu sês contente… tu âs alc dentri vie che tu ciris di platâ… jo no ai nissun dirit di savêlu, ma…"
da "La aghe da pît la cleve" di Dino Virgili
"il vecjo al mostrave clare la sô premure, intant che la Ulive e saveve platâle ben"
da "La tiere di Lansing" di Maria Forte
"Casanova al plate il non dal cont, ma i casanoviscj a àn scuviert che al jere il cont visentin Giorgio Marchetti"
da "Friûl e furlans te Histoire de ma vie di Giacomo Casanova" di Pierluigi Visintin
platâ v.tr.
(pla-tâ)
Vê dentri alc che no si viôt, che no si note (fig.)
sinonimi
clucî, covâ
esempi
"a jerin aromai secui che la maraveose citât e platave, sot la vernîs des sôs pieris e dai siei carnevâi cence fin, une vecjaie che i roseave i vues e i faseve fraidessi la polpe"
da "Cuintristorie dal Friûl fin sot la Italie" di Josef Marchet
platâ v.tr.
(pla-tâ)
Metisi di mieç tra l'ogjet e cui che al cjale
sinonimi
taponâ, cuvierzi, scuindi, nascuindi, parâ
esempi
"i nûi nassûts dai vapôrs a rivarin parsore dal arc de spuinde e a platarin la lûs dal soreli, e la aghe ur parè dut arint"
da "Int no consumade" di Agnul di Spere
proverbi
"a Sant Pieri il sorc al plate il puieri"
"a Sant Pieri la blave e plate il puieri"
"dispès il diaul al insegne a fâlis ma no a platâlis"
"la cjase e plate ma no robe"
"Sant Pieri, la blave e plate il puieri"
Torna in Cima