Tu âs cirût la peraule
monolengâl
torne indaûr

monolengâl

plat s.m.
Recipient bas e in gjenar taront là che si mangje
esemplis
"cul so pas çumpinant e scomençà a distrigâ la taule e a puartâ vie plats e fondinis"
gjavât fûr di "La fie çuete" di Maria Forte
"i tignive une vore a insiorâ la sô cjase di robis vieris, antighis, come armârs, panariis, gratulis, vintulis, cassons, plats di crep piturâts o di peltri, bussui, e vie discorint"
gjavât fûr di "Culturis" di Meni Ucel
plat s.m.
Cuantitât di mangjative che e sta dentri di chel contignidôr
esemplis
"a mangjarin in presse un biel plat di macarons parom"
gjavât fûr di "I macarons" di Meni Ucel
""Po ben", montant sul cjar al pensà, "vuê o larai a mangjâ un plat di tripis chenti ator… a la Madalene sporcje""
gjavât fûr di "Il dint" di Angelo Covazzi
plat s.m.
Sorte di robe di mangjâ
sinonims
pitance, mangjâ
esemplis
"compagnâ un mangjâ cuntune tace di vin al è stât simpri calcolât un mût par esaltâ i plats de nestre cusine"
gjavât fûr di "Mole il bevi!" di Guglielmo Pitzalis
"il "litum" o "lidum" al è un plat puar ma saurît, fat cu lis menadis des jerbis che si cjapavin sù pai cjamps e che po dopo si cueievin inte fersorie"
gjavât fûr di "Jerbis salvadiis inte cusine furlane" di Giorgio Pascoli
plat s.m.
Cualsisei robe di forme plui o mancul taronde e basse
esemplis
"i pareve che al ves pôc lusôr par lei e scrivi, e al sbassà il plat de lampade"
gjavât fûr di "Prime di sere" di Carlo Sgorlon
plat s.m.
[TS] (tecn.) In gramofons, zirediscs, stereos e v.i., element là che si poie il disc
esemplis
"il Tumbar al cjol sù un disc, lu nete cun gracie des impuritâts dal mont cul peçotut a pueste, lu poie biel planc sul plat che al à za cjapade la sô corse"
gjavât fûr di "La musiche" di Ivano Urli
"un plat di un Hi-Fi li che disore al zire un vinîl dai agns '70"
gjavât fûr di "E la Groenlande e tacà a sunâ te sô lenghe" di Fabian Ros
plat s.m.
[TS] (mus.) Spec. tal pl., ognidune des dôs laminis di leton, a pene ingjavadis, che si batin une cuintri di chê altre tant che strument a percussion
sinonims
covertorie
esemplis
"un grop “folk”: armonichis, violins, plats, trombe, trombon, mandulin e clarinet"
gjavât fûr di ""Jubilaeum" pal decenâl" di Sandro Lano
plat s.m.
[TS] (zûcs) Intai zûcs di azart, i bêçs metûts in zûc tal mieç de taule
plat s.m.
[TS] (sport) Tal balon, bande di dentri dal pît, doprade par controlâ, passâ o tirâ la bale
esemplis
"par me se un al fâs un gol cuntun rigôr al pues tirâlu di plat, cul «cucchiaio», di ponte… baste che e vadi dentri"
gjavât fûr di "Interviste a Dino Zoff" di Christian Romanin
detulis
"al vâl plui un plat di biel acet che no un plat di rost"
"al vâl plui un plat di biele ciere che no un plat di rost"
"al vâl plui un plat di bon acet che no un plat di rost"
"cuant che si paie, si po ancje lecâ il plat"
"miedis e avocats no si spudin tal lôr plat"
"no bisugne spudâ sul plat che si mangje"
"no si à di spudâ tal plat che si à mangjât"
"no si à di spudâ tal so plat"
"no si spude mai tal plat che si mangje"
"ocjis, cjastinis e vin a son plats di Sant Martin"
"ogni plat il so savôr, ogni man il so lavôr"
"un plat di mancul e un lusôr di plui"
torne sù